Ўзбекистонда уй-жой билан таъминланиш даражаси бир киши бошига 18,2 квадрат метргача ошди. Бу ҳақда Давлат статистика қўмитаси хабар берди.
Кўрсаткич 2021 йилга нисбатан ўртача 2,2 квадрат метрга кўпайган, аммо бу ҳали ҳам дунёдаги энг паст кўрсаткичлардан бири ҳисобланади.
Бир кишига ўртача 18,2 квадрат метр уй-жой тўғри келган бўлса, 2011 йилда бу кўрсаткич 15 квадрат метрни ташкил қилган.
Аҳолининг уй-жой билан таъминланишининг энг юқори кўрсаткичи Хоразм вилоятида (24,3 кв м), энг пасти эса Андижон вилоятида (13,3 кв м) қайд этилди.
Таққослаш учун, Россияда бир кишига ўртача 26,9 кв м, АҚШда 71 кв м, Германияда 40 кв м, Канадада 75 кв м, Францияда 39 кв м, Японияда 16 кв м ва Туркияда 18 кв м тўғри келади. Аҳоли зич жойлашган Хитойда ҳам бу кўрсаткич юқори — 27 кв м.
Аввалроқ уй-жой сотиб олиш ва таъмирлаш учун қандай кредитлар олиш мумкинлиги ҳақида хабар берилганди.
Изоҳ (0)