Microsoft асосчиси Билл Гейтс ўзининг Gates Notes блогида анъанавий рубрика асосида китоб тавсиялари бериб боради. Бу сафар у ёзги таътилда ўқиш учун 5 та китоб тавсия қилди.
2022 йил ёзи учун тавсия қилинган китоблар гендер тенглиги, сиёсий қутбланиш, иқлим ўзгариши ва ҳаёт ҳеч қачон ёшлар ўйлагандек бўлмаслиги ҳақидаги ҳақиқатлар ҳақида.
Билл Гейтснинг ўзи таъкидлаганидек, бу мавзуларни таътилда ўқиш жуда қийин. Бироқ унинг фикрича, муаллифлар мураккаб мавзулар моҳиятини тушинарли тилда ёритиб бера олган.
The Power, Наоми Алдерман
"Куч" — Наоми Алдерманнинг илмий-фантастик асари. Китоб ўз танаси орқали электр токи чиқариб, у билан зарба бериш қобилиятига эга бўлган аёллар ҳақида.
Гейтс ушбу китобни ўқиб чиққач, АҚШда ва бутун дунёда гендер масалалари билан шуғулланадиган одамларга катта миннатдорчилик билдирганини таъкидлайди.
Why We’re Polarized, Эзра Klein
«Нега биз қутбланганмиз» — бу китобда муаллиф АҚШдаги сиёсий қутбланишни таҳлил қилади. Гейтснинг сўзларига кўра, китоб Қўшма Штатларда ҳақиқатда нималар бўлаётгани, мамлакат ичида маълум кучлар қандай ривожлангани ва замонавий сиёсат нега тортишувга айланганини тушуниш учун жуда муҳим.
The Lincoln Highway, Amor Towles
«Линколн шоссеси» — китобнинг асосий қаҳрамонлари — оналарини топиш учун Небраскадан Калифорнияга ҳайдашга ҳаракат қилаётган икки ака-ука. Воқеа 1954 йилда содир бўлади. Муаллиф китобхонларга узоқ сафарга турли нуқтаи назардан қараш имкониятини беради.
The Ministry for the Future, Ким Станлей Robinson
«Келажак вазирлиги» — бу иқлим ўзгариши ҳақидаги китоб. Мавжуд тенденцияларга асосланиб, муаллиф яқин келажакда юзага келиши мумкин бўлган воқеалар ҳақидаги тасаввурини ёритади. Асар барча соҳаларни қамраб олади: иқтисодиёт, сиёсат, технология, экология. Муаллиф воқеалар якунига қадар оптимист бўлиб қолади ва инсониятни қутқариш йўлини топади.
How the World Really Works, Ваcлав Смил
«Дунё ҳақиқатан қандай ишлайди» — бу китобда канадалик иқтисодчи ва эколог Вацлав Смил инсон ҳаётини глобал иқтисодиёт билан боғлайдиган муаммоларни ахборотни бошқариш нуқтаи назаридан кўриб чиқади. Гейтснинг сўзларига кўра, Смилнинг китоби инсон ҳаёти қандай кучлар таъсирида шаклланаётгани ҳақида билишни истаганлар учун ажойиб материалдир.
Аввалроқ Билл Гейтс 2021 йил давомида ўқиган энг севимли китоблари ҳақида маълумот берган эди.
Изоҳ (0)