Инвестициялар ва ташқи савдо вазирлигида Жанубий Кореянинг BNK Financial Group директорлар кенгаши аъзоси ва ижрочи директори Ли Ду-Хо бошчилигидаги делегация билан учрашув бўлиб ўтди.
Музокаралар чоғида компаниянинг Ўзбекистон банк-молия бозорига киришига доир инвестициявий режалари билан боғлиқ масалалар атрофлича муҳокама қилинди. Хорижий томон компания фаолияти ҳамда унинг халқаро миқёсдаги илғор тажрибаси ҳақида батафсил маълумот берди.
BNK Financial Group компанияси Busan Bank, Kyongnam Bank, BNK Capital ва бошқа молиявий компаниялардан 2011 йилда Пусан шаҳрида ташкил топган молиявий гуруҳдир.
Компания Жанубий Кореяда 379 та филиал ва 114 та бўлим, шунингдек, чет элда 28 та филиал ва 3 та ваколатхонага эга. BNK Financial Group активлари 100 млрд АҚШ долларидан ошади.
Учрашув чоғида иккала томон манфаатларидан келиб чиққан ҳолда, Ўзбекистонда фаолият юритаётган хорижий инвесторлар ҳуқуқларини мустаҳкам ҳимоя қилувчи қонунлар алоҳида муҳокама қилинди.
Музокаралар якунида томонлар бир қатор қўшимча учрашувлар ўтказишга келишиб олди.
Уларнинг мақсади Жанубий Кореянинг молиявий гуруҳи билан конструктив мулоқот олиб бориб, унинг Ўзбекистон бозорига киришига ёрдам беришдир. Бунинг учун биргаликда олиб бориладиган тадбирлар режаси ишлаб чиқилади.
Аввалроқ Zara ва Bershka эгаси Ўзбекистонда лойиҳани ишга туширишни муҳокама қилаётгани ҳақида хабар берилган эди.
Изоҳ (0)