10 июнь куни Туркманистон президенти Сердар Бердимуҳамедовнинг Россияга расмий ташрифи бошланди.
Кремль матбуот хизматининг хабар беришича, бу Сердар Бердимуҳаммедовнинг Туркманистон президенти лавозимига киришганидан кейинги илк хорижий сафари.
Аслида эса, ушбу сафар Туркманистон президентининг биринчи расмий хорижий ташрифидир. Бундан олдин, 1–2 июнь кунлари Сердар Бердимуҳамедов Саудия Арабистонига норасмий сафар қилиб, у ерда Умра (кичик ҳаж) маросимини ўтказган эди.
Кремль икки давлат раҳбарининг қисқа учрашуви стенограммасини эълон қилди.
Суҳбат давомида Владимир Путин Сердар Бердимуҳаммедовдан Туркманистоннинг «олдинги президентга энг эзгу тилакларини етказишни» сўраган, ва уни (Гурбангули Бердимуҳаммедовни) «яхши ва меҳрибон дўст» дея таърифлаган.
Сердар Бердимуҳаммедов ҳамкасбини ўзи учун қулай вақтда Туркманистонга келишга таклиф қилган.
Музокаралар давом этмоқда.
Изоҳ (0)