Украина томонида жанг қилган хорижликлар ДХРда ўлимга ҳукм қилинди. Харьков ҳужум остида. Урушнинг 106-кунидан фоторепортаж
Урушнинг 106-кунида Донецк халқ республикаси суди уч нафар чет эллик маҳбусни (икки нафари британиялик ва бир нафари марокашлик) Украина томонида жанговар ҳаракатларда қатнашгани учун ўлимга ҳукм қилди. Украина мудофаа вазири Олексий Резниковнинг айтишича, ҳар куни фронтда Украина қуролли кучларидан 100 га яқин киши ҳалок бўлмоқда, 500 нафаргача аскар ярадор бўлмоқда. ДХР эса Славянск учун жанглар бошлангани ҳақида хабар қилди. Meduza 9 июннинг асосий суратларни жамлади.
Николаев
Николаев аҳолиси ичимлик сув учун навбатда турибди. Николаев вилояти маъмурияти раҳбари Виталий Ким вилоятдаги шаҳар ва аҳоли пунктлари Россия томонидан мунтазам равишда ўққа тутилаётгани ва ҳужум хавфи сақланиб қолаётганини айтди.Фото: Reuters
Донецк
Британиялик Эйден Эслин, марокашлик Саадун Брагим ва яна бир британиялик Шон Пиннер, улар «Украина қуролли тузилмалари таркибида ёлланма аскар сифатида жанговар ҳаракатларда қатнашгани» учун тан олинмаган ДХР расмийлари томонидан ўлим жазосига ҳукм қилинди. Дарҳақиқат, учаласи ҳам бир неча йил Украинада яшаб, шартнома асосида Украина Қуролли кучларининг оддий бўлинмаларида хизмат қилган, Эслин эса Украина фуқароси ҳисобланади.Фото: «ТАСС»
Ўққа тутишларда ҳалок бўлган рафиқасининг жасади устида йиғлаётган эркак.Фото: «ТАСС»
Харьков
Россия қўшинлари ҳужумидан сўнг Харьковнинг хусусий секторидаги уй ёнмоқда.Фото: Reuters
Харьковда украиналик қутқарувчилар Россия снаряди портлаган жойдан автомобилни олиб чиқмоқда.Фото: Reuters
9 июнь куни Россия қўшинларининг Харьковга ракета ҳужуми оқибатида камида 3 нафар тинч аҳоли ҳалок бўлди.Фото: Reuters
Донбасс шимоли
Северодонецкда фронт чизиғидаги йўл бўйида ҳалокатга учраган машиналар. Шаҳар учун шиддатли жанглар давом этмоқда.Фото: AP Photo
Украина Қуролли Кучларининг аскарлари Северодонецк фронтида дрон ёрдамида Россия позицияларини кузатмоқда.Фото: AP Photo
Донбассдаги Нью-Йорк қишлоғи яқинида Украина Қуролли Кучларининг пулемётчиси.Фото: Reuters
Нью-Йорк қишлоғи четида Украина армиясининг ҳарбий хизматчилари.Фото: Reuters
Россия томонидан ўққа тутишлар пайтида ҳалок бўлган тинч аҳолининг жасадлари Лисичанск чеккасидаги оммавий қабрда. Россия ва ЛХР вакиллари ҳадемай шаҳарни штурм қилиши ҳақида эълон қилди.Фото: AFP
Славянскдан тинч аҳолини эвакуация қилиш жараёни. Айни дамда шаҳар учун кураш бошланган.Фото: AFP
Изоҳ (0)