Туркия президенти Ражаб Тоййиб Эрдўғон бўлажак президентлик сайловларида яна ўз номзодини қўйишини маълум қилди.
Эрдўғон давлат раҳбари лавозими учун Халқ альянси партиясидан давогарлик қилаётганини тасдиқлади.
«Халқ альянсининг президентликка номзоди Ражаб Тоййиб Эрдўғондир», — деди у ҳукмрон Адолат ва тараққиёт партиясининг Измирдаги митингида.
Унинг қўшимча қилишича, Туркияда навбатдаги умуммиллий сайловлар ўз вақтида — 2023 йилнинг июнь ойи ўрталарида бўлиб ўтади ва бу муддатидан олдинги сайловлар ҳақида барча шубҳаларга чек қўяди.
Қайд этилишича, мухолифатдаги Республика Халқ партияси – парламентдаги иккинчи йирик партия ҳозирча президентликка ўз номзодини кўрсатмаган. Шу сабабли Эрдўғон партия етакчиси Камол Қилиждарўғлига мурожаат қилиб, номзодни аниқлашни сўради.
2023 йилнинг июнь ойида Туркияда умуммиллий сайловлар бўлиб ўтади, унда сайловчилар президентни, шунингдек, барча 600 нафар парламент аъзосини сайлайди.
Эрдўғон илк бор 2014 йилда президент бўлган. 2018 йилда у иккинчи муддатга қайта сайланган. Республика Конституциясига кўра, бир шахс кетма-кет икки мартадан кўп бўлмаган давлат раҳбари лавозимига сайланиши мумкин, ваколат муддати беш йил. 2017 йилги референдумдан сўнг, асосий қонунга ўзгартиришлар киритилди, бу эса муддатлар сонини тиклади.
Изоҳ (0)