Жаҳон банки (ЖБ) бу йилги глобал иқтисодий ўсиш прогнозини яна қайта кўриб чиқди ва уни 4,1 фоиздан 2,9 фоизга туширди. Бу ҳақда «Коммерсантъ» хабар берди.
Жаҳон банки экспертлари Украинадаги можаронинг салбий оқибатларини, шунингдек, дунёда инфляциянинг давом этиши хавфини қайд этмоқда. Жорий йилнинг ўрталарида нархларнинг энг юқори даражага чиқиши кутилмоқда.
Бундай шароитда жаҳон иқтисодиёти стагфляция хавфига дуч келиши мумкин, чунки 1970 йилларда нефть нархларининг кўтарилиши ва инфляциянинг тезлашиши марказий банк сиёсатини кескин кучайтиришни талаб қилган, бу эса ўз навбатида иқтисодий ўсиш суръатларининг сезиларли секинлашувига олиб келган.
Стагфляция — секин иқтисодий ўсиш ва нисбатан юқори ишсизлик ёки иқтисодий турғунлик билан тавсифланувчи ҳолат. Бу эса бир вақтнинг ўзида инфляция билан бирга келади. Стагфляцияни муқобил равишда ялпи ички маҳсулотнинг пасайиши билан аниқлаш мумкин.
2023—2024 йилларда жаҳон ялпи ички маҳсулотининг тахминан бир хил секин ўсиши прогноз қилинмоқда — 3 фоиз. Хусусан, АҚШда иқтисодий ўсиш 2,5 фоиз, евроҳудудда 2,5 фоиз, Хитойда 4,3 фоиз, Ўзбекистонда эса 5,3 фоиз ўсиш бўлиши кутилмоқда.
Россия учун Жаҳон банки маълум сабабларга кўра ўсишни эмас, балки иқтисодиётнинг пасайишини 8,9 фоизга тахмин қилмоқда.
Украинадаги уруш қисқа муддатда ишбилармонлик фаоллигига, сармоя ва савдога путур етказмоқда, шу билан бирга, талаб пасайиб, молиявий ва пул-кредит рағбатлари барҳам топмоқда, — деб таърифлайди Жаҳон банки ҳозирги дунёдаги вазиятни.Глобал ўсиш суръатларининг секинлашувидан ташқари, банк стагфляция, яъни паст ўсиш суръатларида юқори инфляция хавфини ҳам қайд этади.
Инфляция даражаси 2020 йилнинг ўрталарида қайд этилган энг паст даражадан кескин ўсди, глобал ўсиш эса, аксинча, тескари йўналишда ҳаракат қилмоқда ва ўн йиллик охиригача 2010 йиллардагидан паст бўлади, — дейди Жаҳон банки.Аввалроқ Жаҳон банки Ўзбекистон ялпи ички маҳсулоти 2022 йилда 4,3 фоизга ўсишини прогноз қилганди.
Изоҳ (0)