Украина маданият ва ахборот сиёсати вазирлиги «дерусификация, декоммунизация ва деколонизация масалалари билан шуғулланадиган» махсус кенгаш тузиш ташаббуси билан чиқди, деб ёзади Meduza.
- Дерусификация — рус ёки рус тилида сўзлашувчи аҳолини, рус тилини ва рус маданиятини маълум бир жамият ҳаётининг турли соҳаларидан сиқиб чиқариш жараёни.
- Декоммунизация — жамият ҳаётининг барча соҳаларидан коммунистик мафкураларнинг бартараф этилишига қаратилган назарий ва амалий фаолият.
- Деколонизация — мустамлака ва қарам мамлакатларнинг мустақилликка ва тўлиқ суверенитетга эга бўлиши жараёни.
«Россиянинг тўлиқ кўламда бостириб кириши давлатимизда совет ва рус меросини украин мероси билан алмаштириш талаби анча кучайиб кетди. Бу масалада монументал санъат энг зиддиятли ҳисобланади. Ахир баъзи ёдгорликлар ва ҳайкаллар совет ёки рус мазмунига эга бўлиши мумкин ва бир вақтнинг ўзида санъат асари ҳам ҳисобланади. Қонунчиликка мувофиқ, турли демонтаж ва уларга мурожаат қилиш жараёнлари мавжуд. Бундай масалалар маҳаллий ҳукумат ва жамоатчилик билан келишилиши керак», — дейилади хабарда.
Уруш бошланганидан кейин Киевда СССР ва Россия билан боғлиқ ёдгорликлар ва бошқа эсдалик белгилари бузиб ташлана бошлади. Хусусан, Киевда Халқлар дўстлиги аркаси Украин халқи озодлиги аркаси деб қайта номланди ва унинг ёнида турган, совет даврига хос икки ишчи ҳайкали демонтаж қилинди. Харьковда Александр Невский, Николаевда эса Александр Пушкин ҳайкали олиб ташланди.
Мавзуга доир:
- Украинанинг Херсон ва Запорожье вилоятлари Россия алоқаси ва интернетига тўлиқ ўтди
- Россия Украинадаги Лиман шаҳри тўлиқ назорат остига олинганини эълон қилди, Херсон вилояти чегараларини ёпди
- Запорожьенинг «янги ҳокимияти» вилоятда рублни жорий этди ва Россия таркибига қўшилиш истагини эълон қилди. Херсонда ҳам шундай бўлганди
- Херсоннинг янги ҳокимияти рус тилига давлат тили мақомини бермоқчи
Изоҳ (0)