Россиялик космонавт Олег Артемьев ҳозирги пайтда Орол денгизи коинотдан қандай кўринишини намойиш қилди. Халқаро коинот станциясидан олинган видеони у ўз Telegram-каналига жойлади.
«ХКС бортидан хайрли тонг! Орол денгизи… аниқроғи, ундан нима қолган бўлса, шунинг устидан учиб ўтяпмиз…», — дея видеони изоҳлади космонавт.
Сайёрада катталиги бўйича тўртинчи бўлган қитъа ичидаги денгиз-кўл — Оролнинг қуриши глобал кўламдаги экологик фалокатга айланди.
Орол денгизи ҳавзаси 68,9 мингдан 8,6 минг квадрат километргача қисқарди. Денгизнинг қуриган туби — 4,5 миллион гектар майдондан ҳар йили 100 миллион тоннагача заҳарли туз-чанг аралашмаси кўтарилади. У маҳаллий аҳоли саломатлигига ҳамда ўсимлик ва ҳайвонот дунёси ривожланишига зарар етказиб, чўллар майдонини кенгайтириш билан бирга, бутун қитъа ва ҳатто унинг ташқарисида ҳам атроф-муҳитни заҳарламоқда.
Мавзуга доир:
- АҚШ Оролбўйи аҳолиси учун тиббий асбоб-ускуналар ва анжомларни ўз ичига олган гуманитар ёрдамни юборди
- Орол денгизи фалокати натижасида Марказий Осиёда иқлим ўзгариши дунё кўрсаткичларидан 2 баробар жадалроқ кечмоқда
- Орол денгизи тубидан кўтариладиган қум ва чанг бўронлари ҳар йили қанча иқтисодий зарар келтириши маълум қилинди
Изоҳ (0)