Ўзбекистонда май ойида инфляция 1,5 фоизни ташкил қилгани ҳақида хабар берилганди.
2022 йилнинг май ойида донли экинлар ва ёрма маҳсулотлари нархи инфляция ошиши бўйича етакчилик қилди. Уларнинг нархи ой давомида ўртача 4,9 фоизга қимматлашган. Бу ҳақда Давлат статистика қўмитаси хабар бермоқда.
Бундан ташқари нархларнинг сезиларли даражада ошиши мевалар ва ёнғоқлар (ой давомида 3,4 фоиз), шакар, қандолат маҳсулотлари (2,6 фоиз) ва спиртсиз ичимликлар (1,6 фоиз) ҳам қайд этилди.
Апрель ойидан бери балиқ ва бошқа денгиз маҳсулотларининг нархи 1,3 фоизга кўтарилган бўлса, сут маҳсулотлари ва тухум 1,1 фоизга қимматлашди.
Нархларнинг пасайиши сабзавотлар, илдизмевалилар, плантайнлар ва дуккаклиларда (-8,1 фоиз) қайд этилди.
Шу билан бирга, ўтган йилнинг майига нисбатан нархларнинг ўсиш суръати қуйидагича бўлди:
- гўшт маҳсулотлари — 10 фоиз;
- донли экинлар ва ёрма маҳсулотлари — 16,5 фоиз;
- балиқ ва бошқа денгиз маҳсулотлари — 13 фоиз;
- сут маҳсулотлари ва тухум — 10,9 фоиз;
- ёғлар ва мойлар — 7,1 фоиз;
- мевалар ва ёнғоқлар — 8,3 фоиз;
- спиртсиз ичимликлар — 11,6 фоиз;
- шакар, қандолат маҳсулотлари ва десерт — 18,6 фоиз;
- сабзоватлар, плантайнлар ва дуккаклилар — 32 фоиз.
Рейтингда иккинчи ўринда шакар, қандолат маҳсулотлари ва десертларга (18,6 фоиз) тегишли бўлди. Етакчи учликка донли экинлар ва ёрма маҳсулотлари (16,5 фоиз) якун ясади.
Аввалроқ озиқ-овқат нархлари хавотирланарли даражада ошаётгани, дунёнинг энг қашшоқ давлатлари ёрдам олиши ҳақида хабар берилганди.
Изоҳ (0)