Қашқадарё вилоятининг Қарши шаҳрида хавфсизлик камарига ёзилган жарималар сабаб тўполон кўтарган ҳайдовчиларнинг 3 нафари қамалди. 12 нафари огоҳлантирилди. Бу ҳақда «Дарё»га вилоят ИИБ ахборот хизмати хабар берди.
Тўполон воқеасидан сўнг ҳолатга ойдинлик киритиш мақсадида ички ишлар органлари ходимлари томонидан суриштирув ишлари олиб борилган. Ўрганишларга кўра, Қарши шаҳрида яшовчи, хусусий корхонада рўйхатдан ўтиб, киракашлик билан шуғулланувчи уч нафар фуқаро воқеага бошчилик қилгани маълум бўлган.«Мазкур қоидабузарлик юзасидан тўпланган ҳужжатлар мазмунан кўриб чиқишлик учун жиноят ишлари бўйича Қарши шаҳар судига юборилган. Суд маъмурий иш материалларини кўриб чиқиб, қоидабузарлар Маъмурий жавобгарлик тўғрисидаги кодекснинг 201-моддаси 1-қисми (жамоат тартибини бузиш ҳуқуқбузарлиги)ни содир этганликда айланиб, уч нафар ҳайдовчининг ҳар бирига ўн суткадан маъмурий қамоқ жазоси тайинлаган. Бундан ташқари жамоат тартибини бузиш ҳуқуқбузарлиги воқеасида иштирок этган 12 нафар ҳайдовчи эса ИИО ходимлари томонидан расмий равишда огоҳлантирилган», — дейилади расмий ахборотда.
Вилоят ИИБ ҳайдовчилар ва фуқароларга қонунларни билмаслик жавобгарликдан озод этмаслигини эслатиб, йўл ҳаракати қоидалари, шунингдек, автойўлларда ҳаракатланиш қоидаларига қатъий амал қилишни сўраб қолган.
Изоҳ (0)