O‘zbekistonda may oyida inflyatsiya 1,5 foizni tashkil qilgani haqida xabar berilgandi.
2022-yilning may oyida donli ekinlar va yorma mahsulotlari narxi inflyatsiya oshishi bo‘yicha yetakchilik qildi. Ularning narxi oy davomida o‘rtacha 4,9 foizga qimmatlashgan. Bu haqda Davlat statistika qo‘mitasi xabar bermoqda.
Bundan tashqari narxlarning sezilarli darajada oshishi mevalar va yong‘oqlar (oy davomida 3,4 foiz), shakar, qandolat mahsulotlari (2,6 foiz) va spirtsiz ichimliklar (1,6 foiz) ham qayd etildi.
Aprel oyidan beri baliq va boshqa dengiz mahsulotlarining narxi 1,3 foizga ko‘tarilgan bo‘lsa, sut mahsulotlari va tuxum 1,1 foizga qimmatlashdi.
Narxlarning pasayishi sabzavotlar, ildizmevalilar, plantaynlar va dukkaklilarda (-8,1 foiz) qayd etildi.
Shu bilan birga, o‘tgan yilning mayiga nisbatan narxlarning o‘sish sur’ati quyidagicha bo‘ldi:
- go‘sht mahsulotlari — 10 foiz;
- donli ekinlar va yorma mahsulotlari — 16,5 foiz;
- baliq va boshqa dengiz mahsulotlari — 13 foiz;
- sut mahsulotlari va tuxum — 10,9 foiz;
- yog‘lar va moylar — 7,1 foiz;
- mevalar va yong‘oqlar — 8,3 foiz;
- spirtsiz ichimliklar — 11,6 foiz;
- shakar, qandolat mahsulotlari va desert — 18,6 foiz;
- sabzovatlar, plantaynlar va dukkaklilar — 32 foiz.
Reytingda ikkinchi o‘rinda shakar, qandolat mahsulotlari va desertlarga (18,6 foiz) tegishli bo‘ldi. Yetakchi uchlikka donli ekinlar va yorma mahsulotlari (16,5 foiz) yakun yasadi.
Avvalroq oziq-ovqat narxlari xavotirlanarli darajada oshayotgani, dunyoning eng qashshoq davlatlari yordam olishi haqida xabar berilgandi.
Izoh (0)