Япониянинг Asahi Kasei компанияси Йокогамадаги кўргазмада AKXY2 концептуал автомобилини тақдим этди, деб хабар беради Motor. Кўплаб автомобиль ишлаб чиқарувчилар каби Asahi Kasei ҳам келажак — электр энергияда ҳаракатланувчи ва автоном технологияларники деб ҳисоблайди.
AKXY2 нинг пастки қисми ингичка ёруғлик диодли оптикага эга ҳаракатланувчи платформа ва очиладиган бортдан иборат бўлиб, у тушади ва зинага айланади. Юқори қисми — суйри шишали қубба шаклида — шу билан бирга у кўтарилганида салонга кириш имконияти очилади. AKXY2 нинг ғилдирак дискаларига биологик хом ашё асосида яратилган бутадиэнли шиналар «кийгизилган».
Салонда иккита тўлиқ ўлчамли ўриндиқ, юмшоқ кресло, ёғоч стулча ва олд панел учун минималистик экран жойлашган. Салонни қоплашда пластик идишларни қайта ишлашдан олинган материллар ҳам, Mercedes-АМG’да фойдаланилган Dinamica микротолалари ҳам фойдаланилган. Бошқарув органларининг йўқлиги, концептнинг тўлиқ автономлигидан далолат беради.
Asahi Kasei иккиламчи маҳсулотлардан фойдаланишдан ташқари, инсонлар соғлиғи ҳақида ҳам қайғуради: бунга карбонат ангидрит даражасининг ортишини билдирувчи антибактериал мато ва датчиклар жавоб беради.
AKXY2 да асосий эътибор дизайн, қулайлик ва фойдаланиладиган маҳсулотларга қаратилгани сабаб унга ўрнатиладиган мотор ҳақида ҳеч нарса дейилмаган. Шоу-карни, шунингдек, Детройтдаги автосалон ва Лас-Вегасдаги CES кўргазмасига олиб бориш режалаштирилган.
Эслатиб ўтамиз, 2021 йилда «Хитойча Google» деб аталувчи Baidu технологик компанияси ўзининг биринчи машинасини — Apollo робот-автомобилини тақдим этганди. У ноодатий кузов конструкцияси ва шишали томга эга, бошқарув органлари йўқ, ҳайдовчисиз бошқариладиган концепт-кар кўринишини олган.
Мавзуга доир: Хитойда таксичилар учун идеал автомобиль тақдим этилади
Изоҳ (0)