Volkswagen яқин келажакда Россияда автомобиль ишлаб чиқаришни тикламайди. Бу ҳақда РБК хабар берди.
Умумий ноаниқликнинг юқори даражаси туфайли биз Россияда нормал ишлаб чиқаришга қайтишнинг аниқ санасини тахмин қилолмаймиз. Шу туфайли, ишлаб чиқаришни 2022 йилга режалаштира олмаймиз, — дейилади компания баёнотида.Бундан ташқари, Германия компанияси раҳбарияти кафолатли таъмирлашни кутиш вақти ошиши мумкинлигини маълум қилди.
Аммо шу билан бирга компания россиялик дилерларга эҳтиёт қисмлар етказиб беришда давом этмоқда.
Таъминот занжирларининг узилиши ва санкциялари туфайли Россияга етказиб беришнинг чекланиши каби фавқулодда вазиятларга кўра, баъзи эҳтиёт қисмларнинг мавжудлиги чекланган бўлиши мумкин, — дейилади баёнотда.Бунинг Ўзбекистонга қандай таъсири бор?
Ўзбекистонда 2020 йилдан бери Volkswagen Caddy ва Skoda автомобиллари ишлаб чиқарилади, лекин бу йирик узелли йиғишдир.
Автомобиль йиғишда асосий қисмлар чет элдан етказиб берилади. Volkswagen Россияда фаолиятини тўхтаца, Ўзбекистон автомобилларни йиғишда муаммога дуч келади.
Аввалроқ Volkswagen Ўзбекистонда нега седан автомобилларни ишлаб чиқармаётгани маълум бўлганди.
Изоҳ (0)