Қозонда 1991 йилда ишлаб чиқарилган оқ рангли «ЗАЗ-968М» сотувга қўйилди, деб хабар беради «Auto.ru». 30 йил давомида «Запорожец» икки марта ўз эгасини алмаштириб, 616 километр йўл босган. Идеал ҳолатда сақланган «вақт капсуласи» 1 миллион рублга (17,6 минг доллар) баҳоланмоқда. Машина учун харидор топилса, у Россияда сотилган энг қиммат «Запорожец»лардан бирига айланади.
Сотувга қўйилган автомобиль тарихи бўйича кўп нарса маълум эмас. Суратларга кўра, «Запорожец» ажойиб ҳолатда сақланган. Шу билан бирга, машина салони ва мотор бўлмаси қай ҳолда экани кўрсатилмаган. Сўнгги 11 йилдан буён автомобилга эгалик қилаётган сотувчининг сўзларига кўра, мазкур «ЗАЗ-968М»нинг барча эҳтиёт қисмлари оригинал. Машина 30 йил давомида 616 километр йўл босган, холос.
«ЗАЗ-968М» 40 от кучига эга 1,2 литрли бензин мотор ёрдамида ҳаракатга келади. Агрегат механик узатмалар қутиси ёрдамида бошқарилади.
Сотувчи ўзининг ноёб автомобилини 1 миллион рублга сотишга тайёр.
Бундан аввал Польшада 34 йиллик «Запорожец» янги Tracker нархида сотувга қўйилгани, интернетда машҳур «Запорожец»нинг футуристик дизайнга эга замонавий тасвирлари пайдо бўлгани тўғрисида хабар берилганди.
Изоҳ (0)