Ўзбекистонлик яккакурашчи Маҳмуд Муродов (25-7) UFC’даги бешинчи жангини 2022 йилнинг 3 сентябрида ўтказади.
Ўзбекистонлик яккакурашчи Франциянинг Париж шаҳрида ўтказиладиган UFC Fight Night мусобақасида асли доғистонлик бўлган Германия вакили Абусуфён «Абус» Магомедовга қарши жанг қилади.
Муродов охирги жангини 2021 йилнинг август ойида Жеральд Миршертга (33-14) қарши ўтказиб, UFC’даги илк мағлубиятини қабул қилиб олганди.
Маълумот учун, Муродов UFC’даги дебют жангида италиялик Алессио ди Кирикони (13-5) очколар ҳисобига кўра, иккинчи жангида Тревор Смит (15-10), учинчисида эса Эндю Санчесни (12-6) нокаут эвазига мағлубиятга учратганди.
Магомедов профессионал фаолиятини 2010 йилда бошлаган ва шу кунга қадар GMC, Суприор ФC, ПФЛ каби промоушенларда жанглар ўтказган. Муродовга қарши жанг эса «Абус»нинг UFC’даги дебюти бўлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)