O‘zbekistonlik yakkakurashchi Mahmud Murodov (25-7) UFC’dagi beshinchi jangini 2022-yilning 3-sentabrida o‘tkazadi.
O‘zbekistonlik yakkakurashchi Fransiyaning Parij shahrida o‘tkaziladigan UFC Fight Night musobaqasida asli dog‘istonlik bo‘lgan Germaniya vakili Abusufyon “Abus” Magomedovga qarshi jang qiladi.
Murodov oxirgi jangini 2021-yilning avgust oyida Jerald Mirshertga (33-14) qarshi o‘tkazib, UFC’dagi ilk mag‘lubiyatini qabul qilib olgandi.
Ma’lumot uchun, Murodov UFC’dagi debyut jangida italiyalik Alessio di Kirikoni (13-5) ochkolar hisobiga ko‘ra, ikkinchi jangida Trevor Smit (15-10), uchinchisida esa Endyu Sanchesni (12-6) nokaut evaziga mag‘lubiyatga uchratgandi.
Magomedov professional faoliyatini 2010-yilda boshlagan va shu kunga qadar GMC, Suprior FC, PFL kabi promoushenlarda janglar o‘tkazgan. Murodovga qarshi jang esa “Abus”ning UFC’dagi debyuti bo‘ladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)