Coca-Cola ташкил этган FIFA World Cup™ бешинчи халқаро кубок-тури Ўзбекистон футбол мухлисларига жаҳондаги энг машҳур футбол совринини намойиш қилиш ва ажойиб суратларга тушиш учун 6 июнь куни Тошкент шаҳрига келмоқда.
Coca-Cola ва ФИФА барча футбол мухлисларини ушбу энг номдор футбол рамзини томоша қилиш ва бутун жаҳонда интиқлик билан кутиладиган энг йирик спорт тадбири — FIFA 2022™ футбол бўйича Жаҳон чемпионатининг чинакам сеҳрини ҳис қилишга чорлайди.
Минглаб кишилар учун бу тадбир футбол бўйича жаҳоннинг энг машҳур рамзини ўз кўзи билан кўриш, ўйин ҳақидаги жўшқин ҳиссиётларини ўртоқлашиш имкониятини тақдим қилади.
Афсонавий FIFA World Cup™ кубоги ФИФА элчилари ўтган йиллардаги ФИФА Жаҳон чемпионати ғолиблари ҳамроҳлигида Ўзбекистонга келади. Жорий йилнинг 12 май куни Coca-Cola FIFA™ Жаҳон кубоги мамлакатлар бўйлаб бешинчи сафари учун Бирлашган Араб Амирликларидан жўнаб кетди ва 51 футбол мамлакатига ташриф буюради. Илк бор кубок-тур футбол бўйича жаҳон чемпионатида қатнашиш имкониятини қўлга киритган 32 мамлакатнинг барчасига ташриф буюради. ФИФА Жаҳон кубоги саёҳати 2030 йилгача ФИФА ташкилотига аъзо 211 мамлакатга ташриф буюришни ўз олдига мақсад қилиб қўйган.
Мазкур кубок-турнинг Тошкентга ташрифи Ўзбекистон футбол ассоциацияси кўмагида ташкил этилмоқда.
«Ушбу бешинчи сафарга Ўзбекистонни бутун дунё бўйлаб футбол мухлислари учун умид ва ишонч рамзи бўлган, кубок ташриф буюрадиган мамлакатлар рўйхатига киритишга қарор қилдик. Биз футболнинг энг катта соврини — ФИФА™ Жаҳон кубогининг энг кутиладиган совринининг Ўзбекистон мухлислари билан учрашувини кутмоқдамиз ва улар афсонавий кубокни кўриб ва у билан суратга тушган пайтда унинг ҳақиқий сеҳрини ҳис қилишларига ишончимиз комил. Бу сафар кубокнинг ‘саёҳати’ #believingismagic (#ishonchbumojiza) хештеги остида бўлади, чунки биз ишонганимизда ҳақиқий сеҳр содир бўлади. Ўзбекистон футбол ассоциацияси учун мазкур тадбир ҳамкорига айланиш катта шарафдир. Жорий йилда футбол бўйича ФИФА™ Жаҳон чемпионати афсонавий тимсолининг асл нусхасини футбол мухлисларига ўзгача руҳ, илҳом ва рағбат бағишлаши учун Тошкент шаҳрига олиб келаётганимиздан ғоятда мамнунмиз», — деди Мурат Серкан Дилек, Coca-Cola компаниясининг Ўзбекистондаги бош вакили.
«Coca-Cola ташкил этаётган FIFA World Cap™ халқаро кубок-тури Ўзбекистон футболининг 110 йиллиги нишонланаётганида келиши рамзий маънога эга. 1994 йилда Ўзбекистон Осиё футбол конфедерациясининг (ОФК) ва Халқаро футбол ассоциациялари федерациясининг (ФИФА) тенг ҳуқуқли аъзосига айланиб, энг нуфузли халқаро мусобақаларда иштирок этиш ҳуқуқини қўлга киритди. Мазкур тадбир ёшларимизни улкан зафарлар сари илҳомлантиради. Бизнинг салоҳиятимиз жуда катта, уни рўёбга чиқариш учун эса киши ўзига ишониши жуда муҳим. Мухлисларимизга унутилмас лаҳзаларни тақдим этгани учун Coca-Cola компаниясидан миннатдормиз», — деб таъкидлади Ўзбекистон футбол ассоциацияси раисининг биринчи ўринбосари Равшан Эрматов.
Бутун МДҲ мамлакатлари орасидан Ўзбекистон мазкур кубок бу йил олиб келинадиган ягона давлат ҳисобланади. Асл ФИФА™ Жаҳон кубоги футбол афсоналари, 1998 ва 2010 йил Жаҳон чемпионати ғолиблари Кристиан Карамбё ва Карлес Пуйоль мазкур кубокка ҳамроҳлик қиладилар.
4000 нафардан зиёд киши футбол тарихидаги энг буюк тимсол олдида туриб, у билан суратга тушиш имкониятига эга бўлади.
Coca-Cola ташкил этаётган FIFA Woorld Cup™ халқаро кубок-тури ўзи ташриф буюраётган мамлакатларда барқарор тараққиётни таъминлашга оид ҳаракатларни ривожлантиришга интилади. Тошкентда ўтказиладиган тадбир давомида йиғилган бутун ПЭТ пластмасса қайта ишлашга юборилади.
Coca-Cola компанияси ФИФА билан 1976 йилдан буён яқиндан ҳамкорлик қилиб келади ва 1978 йилдан футбол бўйича ФИФА™ жаҳон чемпионатининг расмий ҳомийси ҳисобланади. Coca-Cola 1950 йилдан бери жаҳон чемпионатлари ўйинлари ўтказилган ҳар битта стадионда ўз рекламасини жойлаштириб, барча поғоналарда футболни ҳар доим қўллаб-қувватлаб келади.
Реклама ҳуқуқи асосида.
Изоҳ (0)