Давлат статистика қўмитаси маълумотларига кўра, Ўзбекистонга 2022 йилнинг январь—апрель ойларида Қозоғистондан импорт қилинган айрим турдаги озиқ-овқат маҳсулотлари ҳажми маълум бўлди.
Унга кўра йил бошидан бери Қозоғистондан 1,1 млн тонна буғдой импорт қилинган. Буғдой унининг импорти миқдори 122,8 минг тонна бўлган.
Бундан ташқари 24,3 минг тонна ўсимлик ёғи импорт қилинган. Қозоғистондан келтирилган маргарин маҳсулотлари эса 16,3 минг тоннани ташкил қилган.
Ўзбекистонга Қозоғистондан импорт қилинган қорамол гўшти эса 4 минг тонна бўлган. Бу давлатдан 38,2 минг тонна арпа келтирилган бўлса, импорт қилинган маккажўхорининг ҳажми 23 минг тоннага етган.
Йил бошидан бери Қозоғистондан 22,4 мин тонна картошка импорт қилинган. Қандолат маҳсулотларининг импорти 720 тоннани ташкил қилган.
Аввалроқ Ўзбекистонга йил бошидан бери қарийб 1 млн дона телефон импорт қилингани ҳақида хабар берилган эди.
Изоҳ (0)