Davlat statistika qo‘mitasi ma’lumotlariga ko‘ra, O‘zbekistonga 2022-yilning yanvar—aprel oylarida Qozog‘istondan import qilingan ayrim turdagi oziq-ovqat mahsulotlari hajmi ma’lum bo‘ldi.
Unga ko‘ra yil boshidan beri Qozog‘istondan 1,1 mln tonna bug‘doy import qilingan. Bug‘doy unining importi miqdori 122,8 ming tonna bo‘lgan.
Bundan tashqari 24,3 ming tonna o‘simlik yog‘i import qilingan. Qozog‘istondan keltirilgan margarin mahsulotlari esa 16,3 ming tonnani tashkil qilgan.
O‘zbekistonga Qozog‘istondan import qilingan qoramol go‘shti esa 4 ming tonna bo‘lgan. Bu davlatdan 38,2 ming tonna arpa keltirilgan bo‘lsa, import qilingan makkajo‘xorining hajmi 23 ming tonnaga yetgan.
Yil boshidan beri Qozog‘istondan 22,4 min tonna kartoshka import qilingan. Qandolat mahsulotlarining importi 720 tonnani tashkil qilgan.
Avvalroq O‘zbekistonga yil boshidan beri qariyb 1 mln dona telefon import qilingani haqida xabar berilgan edi.
Izoh (0)