Ўзбекистонда 2021/2022-ўқув йилида умумтаълим муассасаларининг 11-синфини жами 392,9 минг нафар ўқувчи тамомлайди. Бу ҳақда Давлат статистика қўмитаси хабар берди.
Шунингдек, қўмита маълумотларига кўра, 9-синфни 531,3 минг нафар ўқувчи тамомламоқда.
11-синф битирувчиларининг 209,6 минг нафарини (53,3 фоиз) қиз болалар ва 183,3 минг нафарини (46,7 фоиз) ўғил болаларни ташкил этган бўлса, 9-синф битирувчиларининг 258,1 минг нафарини эса (48,6 фоиз) қиз болалар ҳамда 273,2 минг нафарини (51,4 фоиз) ўғил болаларни ташкил этмоқда.
2021/2022- ўқув йили бошига ҳудудлар кесимида 11-синф битирувчилари сони қуйидагича:
- Қорақалпоғистон – 21,3 минг нафар;
- Андижон – 30,5 минг нафар;
- Бухоро – 23,0 минг нафар;
- Жиззах – 16,9 минг нафар;
- Қашқадарё – 42,8 минг нафар;
- Навоий – 11,6 минг нафар;
- Наманган – 30,4 минг нафар;
- Самарқанд – 45,3 минг нафар;
- Сурхондарё – 32,4 минг нафар;
- Сирдарё – 9,1 минг нафар;
- Тошкент – 30,9 минг нафар;
- Фарғона – 43,4 минг нафар;
- Хоразм – 23,4 минг нафар;
- Тошкент шаҳри – 31,9 минг нафар.
Изоҳ (0)