Футбол бўйича Англия Премьер Лигасининг қолдирилган тур ўйинлари 19 май, пайшанба куни бўлиб ўтди.
«Челси» 27-тур доирасида Лондонда «Эвертон» билан баҳс юритди. Учрашувда ҳисоб 6-дақиқада Жеймс Мэддисон томонидан киритилди. 34-дақиқада эса Маркос Алонсо мувозанатни тиклади. Шундан сўнг дарвозаларга бошқа тўп киритилмади ва жамоалар бир очкодан бўлишиб олди.
Шу тариқа «Челси»нинг мавсум якунланишига бир тур қолганида мусобақада жадвалида 3-ўринни деярли аниқ бўлиб улгурди. Бундай бўлмаслиги учун 4-ўриндаги «Тоттенҳэм» сўнгги турда 18 та тўп фарқи билан ғалаба қозониши керак.
«Эвертон» 33-тур баҳсида «Кристал Пэлас»га қарши майдонга тушиб, иродали ғалабага эришди. Жамоа биринчи бўлимда 2 та тўп фарқи билан орқада бориб, иккинчи 45 дақиқаликда 3 та гол уриб, ғалабани илиб кетди.
Қайд этиш керак, бу ғалаба орқали Фрэнк Лэмпард бошқарувидаги жамоа АПЛда қолиш вазифасини уддалади. Ҳал қилувчи голдан кейин мерсисайдлик мухлислар майдонга чиқиб кетди, ўйиндан кейин эса майдонни тўлдирди.
38-тур баҳслари 22 май куни соат 20:00 га белгиланган. Ўша куни чемпион номи ҳам аниқланади.
АПЛ
Қолдирилган тур ўйинлари
27-тур
«Челси» – «Лестер» 1:1
Голлар: 0:1 – 6 Мэддисон, 1:1 – 34 Алонсо.«Челси»: Менди, Жеймс, Тиаго Сильва, Рюдигер, Чалоба, Алонсо, Жоржиньо, Канте (Лофтус-Чик, 72), Зиёш, Пулишич (Аспиликуэта, 72), Лукаку (Ҳаверц, 78).
«Лестер»: Шмейхель, Кастань, Эванс, Амарти, Фофана, Томас, Менди, Мэддисон, Дюзбери-Ҳолл, Варди (Перес, 78), Иҳеаначо (Барнс, 63).
Огоҳлантиришлар: Канте (47), Лукаку (59), Эванс (64), Рюдигер (66), Жоржиньо (85).
33-тур
«Эвертон» – «Кристал Пэлас» 3:2
Голлар: 0:1 – 21 Матета, 0:2 – 36 Айю, 1:2 – 54 Кин, 2:2 – 75 Ришарлисон, 3:2 – 85 Кэлверт-Льюин.18-тур
Изоҳ (0)