«Манчестер Юнайтед» ёзда жамоа таркибида катта ўзгаришлар амалга оширади.
Daily Mail хабарига кўра, клубнинг янги устози Эрик тен Ҳаг ёзги трансфер ойнасида жиддий ўзгаришларни амалга оширмоқчи. Жамоани Пол Погба, Эрик Байи, Аарон Ван-Биссака, Эдинсон Кавани, Неманя Матич, Хуан Мата, Ли Грант, Жесси Лингард ва Фил Жонс тарк этиши кутилмоқда.
Шунингдек, яхши таклифлар тушадиган бўлса, «Манчестер Юнайтед» бошқа ўйинчиларни қўйиб юбориши ҳам мумкин.
Тен Ҳаг мавсум якунида жамоани ўз бошқарувига олади. Нидерландиялик мутахассис «Юнайтед» билан 2025 йилнинг ёзига қадар мўлжалланган шартнома имзолаган.
Айни вақтда жамоа Ралф Рангник қўл остида ҳаракат қилмоқда ва сўнгги тур олдидан 58 очко билан 6-ўринда турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)