Саратон, битлаш, қовурға синиши. «Гарри Поттер» фильмининг актёр ва актрисалари суратга олиш майдончасида дуч келган қийинчиликлар

«Гарри Поттер»нинг ашаддий мухлислари фильмнинг қайси қисмида нечанчи дақиқасида нима содир бўлишини аниқ билишлари мумкин. Бироқ улар саҳна ортида аслида нималар содир бўлганини билишмайди. Франшизанинг баъзи бош қаҳрамонлари суратга олиш жараёнида ҳақиқатан ҳам жиддий муаммоларга дуч келгани ҳақида қуйида билиб оласиз.

Қулоқ инфекцияси

«Олов кубоги» фильмидаги сувости саҳналари бутун фильмдаги энг ҳайратланарлиларидан бири бўлса-да, улар жараён иштирокчилари учун осон бўлмаган. Дэниэл Редклифф ушбу суратга олиш жараёни учун 6 ой тайёргарлик кўради. Актёр сув остида кўп вақт ўтказишига тўғри келади, натижада у бир эмас, балки икки хил қулоқ инфекциясини орттириб олади. Дэниэлга ушбу саҳналар учун дублёр ёллашни таклиф қилишади, лекин у ҳаммасини ўзи қилишни хоҳлайди.

Педикулёз (бит)

Бир гуруҳ болаларни ёпиқ жойга тўпласангиз, бирин-кетин ҳаммасининг бошини бит босиши аниқ. Бу болалар боғчасида, мактабларда ва маълум бўлишича, Хогвартсда ҳам содир бўлган. «Махфий ҳужра» фильмини суратга олиш жараёнида ёш актёрлар сочини бит босиб кетган. Суратга олиш ишлари битга қарши курашиш учун бир неча кунга тўхтатилади.

Шам билан синов

«Ҳикматлар тоши»даги катта зал шифти остида турувчи шамлар дастлаб ҳақиқий бўлган. Улар симдан фойдаланиб, ҳеч қандай афсунсиз шифтга осилган. Бироқ суратга олишнинг дастлабки кунларидаёқ бу нарса иш бермаслиги маълум бўлади: оловдан чиққан иссиқлик симни эритиб, шамлар ерга туша бошлайди. Актёрлар хавфсизлиги учун режиссёрлар ушбу реквизитни компьютер графикасига алмаштиришга мажбур бўлишади.

Оғмахоннинг ўлими

Картинанинг 1-қисмини суратга олиш пайтида Эмма Уотсон Милли лақабли оғмахонни ўзи билан бирга суратга олиш майдончасига олиб келади. Буни қарангки, Эмманинг севимли жонивори юрак хуружига учрайди. Оғмахоннинг ўлими қизни жуда хафа қилади, аммо суратга олиш гуруҳи ёш актрисани қўллаб-қувватлайди. Дизайнерлар у учун махсус бахмал астарли кичик ёғоч тобут ва ўйиб ёзилган кумуш лавҳа ясайдилар. Эмма буни унутмайди: 2014 йилда киномукофотга сазовор бўлганда бундай ҳамдардлик учун ижодий гуруҳга миннатдорлик билдиради.

Синган қовурға

Эҳтимол, режиссёр Майк Ньюелл «Гарри Поттер»нинг 4-қисмини суратга олишга қарор қилганида иш бунчалик шиддатли бўлишини тасаввур ҳам қилмаган бўлса керак. «Кекса» эгизак Уизлиларнинг жанги кадрини саҳналаштираётганда у узоқ вақт давомида керакли натижага эриша олмайди, натижада буни қандай қилишни ўзи кўрсатишга мажбур бўлади. Ньюелл ака-укалардан бирини белидан ушлаб, полга йиқитмоқчи бўлади. Уриниш шунчалик муваффақиятсиз бўладики, у ўзи қовурғасини синдириб олади.

Саратон касаллигига қарши кураш

Minerva Макгонагал ролини ўйнаган актриса Мегги Смит «Тилсим шаҳзода» фильмини суратга олиш чоғида кўкрак саратонига чалингани маълум бўлади. Даволаниш билан бир қаторда суратга олиш ишлари осон кечмайди, лекин Мегги ҳам таслим бўлмайди: у парик кияди ва ўз ролини қойилмақом ижро этади. Ҳатто ўз аҳволи ҳақида ҳазиллашишга ҳам кучи етади: унинг сўзларига кўра, ўша пайтда у қайнатилган тухумга ўхшаб қолган.

Линзаларга аллергия ва бошқалар

«Гарри Поттер» асарини ўқиган китобхон Гарри онасидан яшил кўзларини мерос қилиб олганини билади. Бироқ қаҳрамоннинг экран версиясининг кўзлари мовийранг. Бу Дэниэл Редклиффнинг аллергик реакцияси туфайли яшил контакт линзаларда юра олмаслиги билан боғлиқ. Аммо бу «съёмка» бошланишида юзага келган ягона муаммо эмас. Бошқа нарсалар қаторида, актёр Гарри Поттер кўзойнакларининг дастлабкисига аллергияси бор эди. Улар туфайли унинг кўзлари атрофида қора доғ ва ҳуснбузарлар пайдо бўлади. Ёш актёрнинг соғлиғига зарар бермаслик учун реквизитлар зудлик билан алмаштирилади.

Режиссёрлар билан тортишувлар

«Гарри Поттер» асари муаллифи Ж. К. Роулинг профессор Снейпнинг аниқ образини яратиши учун актёр Алан Рикман воқеалар якунини билиши кераклигини тушунарди. Аммо муаммо шунда эдики, романларнинг охирги қисмлари ҳали якунланмаганди, шунинг учун ҳеч ким у ҳақида билмасди. Аммо Роулинг режиссёрлардан фарқли ўлароқ, бу маълумотни баҳам кўришга шошилмайди. Рикман Северуснинг асосий сирини билиши кераклигини тахмин қилади. Натижада актёр суратга олиш майдончасида режиссёрлар билан тез-тез баҳслашишига ва унинг характерига тегишли бўлган ҳамма нарсани тўғри йўналтиришга мажбур бўлади.