Нафақат машҳур сериалга айланган, балки реал ҳаётда ҳам инсон ҳаётини сақлаб қолган «Доктор Ҳаус» ҳақида қизиқарли фактлар

«Докрор Ҳаус» сериалининг биринчи эпизоди 2004 йилда, охиргиси эса 10 йил олдин экранларга чиққан. Аммо томошабинлар ҳали ҳам бир вақтнинг ўзида дунёда энг кўп томоша қилинган телешоуга айланган тиббий драмани завқ билан томоша қилади. 2008 йилда «Доктор Ҳаус» томошабинлари 81,8 миллион кишидан ошди.

AdMe нашри шоу тугаганининг 10 йиллиги муносабати билан у ҳақидаги энг қизиқарли фактларни эътиборингизга ҳавола этади.

• Сериал бош қаҳрамони — Доктор Ҳауснинг ўзи Шерлок Холмс образига асосланган. Продюсер Дэвид Шорнинг айтишича, у машҳур детективнинг мухлиси бўлган. Ҳатто шифокорнинг исми ҳам Холмснинг исмига мос қилиб танланган.
• Сериал давомида Конан Дойл асарларига кўплаб мурожаатар мавжуд. Доктор Ҳаус ҳам Шерлок Холмс каби 221Б рақамли уйда яшайди. Учувчи эпизодда беморнинг исми Ребекка Адлер бўлиб, Холмснинг биринчи ҳикояси »Богемиядаги жанжал» қаҳрамони Ирен Адлердан олинган. Эпизодлардан бирида Ҳаус совға сифатида «Жарроҳлик амалиётлари бўйича қўлланма» китобини олади. Бу китоб ҳақиқатан ҳам мавжуд ва Шерлок Холмснинг прототипи бўлган Жозеф Белл томонидан ёзилган.

• Сериалнинг номи яширин маънога эга. Тиббиёт жаргонида гиёҳвандлик билан оғриган бемор «house» деб аталади. Бу history of use сўзининг қисқартмаси бўлиб, фойдаланиш тарихи деган маънони беради.
• Телешоунинг ишчи номи «Зебралар ортидан қувиб, қувур атрофида» (Zebras, Circling the Drain) бўлиб, у ҳам тиббий жаргонга асосланган. Шифокорлар тили билан айтганда, «зебра» (зебра) тушунарсиз ташхис дегани, «қувур атрофидa» (Circling the Drain) беморни даволаб бўлмаслигини англатади.

• Кастинг пайтида Хью Лори Намибияда «Қақнус парвози» фильмини «съёмка»сида эди. У кастингга жўнатиш керак бўлган видеони меҳмонхона ҳаммомида — етарли даражада ёритилган ягона жойда ёзиб олади. Унда актёр ҳасса ўрнига соябон ишлатган.
• Хью Лорининг отаси — шифокор. Актёр ўз отасини пародия қилгани учунгина катта миқдорда гонарар олишидан уялганини яширмаган.
• Кастинг пайтида ҳам Лори иккинчи даражали рол ўйнайман деб ўйлаган ва сериал бош қаҳрамони эса доктор Жеймс Уилсон бўлган. Дастлаб у доктор Ҳаус каби бемаъни ва эгоист одам қандай қилиб бош қаҳрамон бўлиши мумкинлигини тушунмаган.

• Хью Лори доктор Ҳаус роли бир марта соғлиғига салбий таъсир кўрсатганини тан олади. Актёрнинг тизза бўғимларида муаммолар пайдо бўла бошлайди, чунки у доимо оқсоқланган ҳолда тасвирланган.
• Ҳасса одатда шикастланган оёқнинг қарама-қарши томонида ишлатилади. Доктор Ҳаус буни билади, албатта, лекин ўзининг қайсар табиатига кўра, ҳасса оғрийдиган оёғи билан бир томонда бўлишини хоҳлайди.

• Уилсон ролини ижро этган Роберт Шон Леонарднинг фикрича, у кастингдан ўтолмаган ва бу ролни режиссёр Брайан Сингер билан эски дўстлиги туфайли олишга муваффақ бўлган.
• Женнифер Моррисонда ҳам худди шундай муаммо бўлган — у кастингни ёмон топширган. Бироқ Сингер кастингдан олдин актрисанинг ишини, жумладан, «Доусон корфази» фильмидаги ролини кўрган ва унга Эллисон Кемерон ролини берган.
• Моррисон ҳамкасби Жесси Спенсер билан ишқий муносабатда бўлган. Актёрлар ҳатто 2006 йил декабрь ойида унаштирилади. Уларнинг қаҳрамонлари — доктор Роберт Чейз ва Эллисон Кемерон ҳам учрашишни бошлайдилар. Ҳақиқий ҳаётдаги жуфтлик 8 ой ўтгач, 2007 йил август ойида унаштирувни бекор қилишади, ўз навбатида уларнинг қаҳрамонлари ҳам ажралишганини маълум қилишади.

• Гарчи баъзида сериал қаҳрамонлари доктор Роберт Чейзнинг аҳмоқ эканлигига ишора қилса-да, у сериалдаги бошқа иккинчи даражали қаҳрамонларга қараганда кўпроқ тўғри ташхис қўйган.
• Грегори Ҳауснинг афсонавий «Ҳамма ёлғон гапиради» жумласи бошқа сериалдан олинган. Бу гап биринчи марта «Клиника» ситкомида доктор Боб Келсо номидан айтилади.
• 4-мавсумнинг 15 ва 16-қисмларида Лимп Бизкит гуруҳи вокалисти Фред Дерст эпизодик рол ўйнаган.
• Асосий қаҳрамонларни ўйнаган олтита актёрдан учтаси чапақай: Лиза Эделштейн (доктор Лиза Кади), Омар Эппс (доктор Эрик Форман) ва Роберт Шон Леонард (доктор Жеймс Уилсон).

• Сериалда МRT аппарати кўпинча ёлғон детектори сифатида ишлатилади. Ушбу процедура ҳақиқатан ҳам ёлғончини фош қилишга ёрдам беради — реал вақтда томография мия фаолиятидаги ўзгаришларни «ушлайди». Аммо саволга жавоб бериш учун одам ҳаракат қилиши керак бўлади ва МRT аппаратида бутунлай ҳаракатсиз бўлиш тавсия этилади, акс ҳолда натижалар нотўғри бўлиши мумкин.
• Доктор Ҳаус бир марта ҳақиқий инсоннинг ҳаётини сақлаб ҳам қолган. Бир эркак бирдан эшитиш ва кўриш қобилиятининг ёмонлашганини пайқайди. Шифокорлар эса сериалда шунга ўхшаш аломатлар кўрсатилганини эслашади. Маълум бўлишича, бунга яқинда керамикадан металлга алмаштирилган сон бўғимининг протези сабаб бўлган. Машҳур сериалда бўлгани каби бемор протезнинг бир қисми бўлган кобалт моддасидан заҳарланган.