Saraton, bitlash, qovurg‘a sinishi. “Garri Potter” filmining aktyor va aktrisalari suratga olish maydonchasida duch kelgan qiyinchiliklar

“Garri Potter”ning ashaddiy muxlislari filmning qaysi qismida nechanchi daqiqasida nima sodir bo‘lishini aniq bilishlari mumkin. Biroq ular sahna ortida aslida nimalar sodir bo‘lganini bilishmaydi. Franshizaning ba’zi bosh qahramonlari suratga olish jarayonida haqiqatan ham jiddiy muammolarga duch kelgani haqida quyida bilib olasiz.

Quloq infeksiyasi

Pedikulyoz (bit)

Bir guruh bolalarni yopiq joyga to‘plasangiz, birin-ketin hammasining boshini bit bosishi aniq. Bu bolalar bog‘chasida, maktablarda va ma’lum bo‘lishicha, Xogvartsda ham sodir bo‘lgan. “Maxfiy hujra” filmini suratga olish jarayonida yosh aktyorlar sochini bit bosib ketgan. Suratga olish ishlari bitga qarshi kurashish uchun bir necha kunga to‘xtatiladi.

Sham bilan sinov

“Hikmatlar toshi”dagi katta zal shifti ostida turuvchi shamlar dastlab haqiqiy bo‘lgan. Ular simdan foydalanib, hech qanday afsunsiz shiftga osilgan. Biroq suratga olishning dastlabki kunlaridayoq bu narsa ish bermasligi ma’lum bo‘ladi: olovdan chiqqan issiqlik simni eritib, shamlar yerga tusha boshlaydi. Aktyorlar xavfsizligi uchun rejissorlar ushbu rekvizitni kompyuter grafikasiga almashtirishga majbur bo‘lishadi.

Og‘maxonning o‘limi

Kartinaning 1-qismini suratga olish paytida Emma Uotson Milli laqabli og‘maxonni o‘zi bilan birga suratga olish maydonchasiga olib keladi. Buni qarangki, Emmaning sevimli jonivori yurak xurujiga uchraydi. Og‘maxonning o‘limi qizni juda xafa qiladi, ammo suratga olish guruhi yosh aktrisani qo‘llab-quvvatlaydi. Dizaynerlar u uchun maxsus baxmal astarli kichik yog‘och tobut va o‘yib yozilgan kumush lavha yasaydilar. Emma buni unutmaydi: 2014-yilda kinomukofotga sazovor bo‘lganda bunday hamdardlik uchun ijodiy guruhga minnatdorlik bildiradi.

Singan qovurg‘a

Ehtimol, rejissor Mayk Nyuell “Garri Potter”ning 4-qismini suratga olishga qaror qilganida ish bunchalik shiddatli bo‘lishini tasavvur ham qilmagan bo‘lsa kerak. “Keksa” egizak Uizlilarning jangi kadrini sahnalashtirayotganda u uzoq vaqt davomida kerakli natijaga erisha olmaydi, natijada buni qanday qilishni o‘zi ko‘rsatishga majbur bo‘ladi. Nyuell aka-ukalardan birini belidan ushlab, polga yiqitmoqchi bo‘ladi. Urinish shunchalik muvaffaqiyatsiz bo‘ladiki, u o‘zi qovurg‘asini sindirib oladi.

Saraton kasalligiga qarshi kurash

Minerva Makgonagal rolini o‘ynagan aktrisa Meggi Smit “Tilsim shahzoda” filmini suratga olish chog‘ida ko‘krak saratoniga chalingani ma’lum bo‘ladi. Davolanish bilan bir qatorda suratga olish ishlari oson kechmaydi, lekin Meggi ham taslim bo‘lmaydi: u parik kiyadi va o‘z rolini qoyilmaqom ijro etadi. Hatto o‘z ahvoli haqida hazillashishga ham kuchi yetadi: uning so‘zlariga ko‘ra, o‘sha paytda u qaynatilgan tuxumga o‘xshab qolgan.

Linzalarga allergiya va boshqalar

“Garri Potter” asarini o‘qigan kitobxon Garri onasidan yashil ko‘zlarini meros qilib olganini biladi. Biroq qahramonning ekran versiyasining ko‘zlari moviyrang. Bu Deniel Redkliffning allergik reaksiyasi tufayli yashil kontakt linzalarda yura olmasligi bilan bog‘liq. Ammo bu “syomka” boshlanishida yuzaga kelgan yagona muammo emas. Boshqa narsalar qatorida, aktyor Garri Potter ko‘zoynaklarining dastlabkisiga allergiyasi bor edi. Ular tufayli uning ko‘zlari atrofida qora dog‘ va husnbuzarlar paydo bo‘ladi. Yosh aktyorning sog‘lig‘iga zarar bermaslik uchun rekvizitlar zudlik bilan almashtiriladi.

Rejissorlar bilan tortishuvlar

“Garri Potter” asari muallifi J. K. Rouling professor Sneypning aniq obrazini yaratishi uchun aktyor Alan Rikman voqealar yakunini bilishi kerakligini tushunardi. Ammo muammo shunda ediki, romanlarning oxirgi qismlari hali yakunlanmagandi, shuning uchun hech kim u haqida bilmasdi. Ammo Rouling rejissorlardan farqli o‘laroq, bu ma’lumotni baham ko‘rishga shoshilmaydi. Rikman Severusning asosiy sirini bilishi kerakligini taxmin qiladi. Natijada aktyor suratga olish maydonchasida rejissorlar bilan tez-tez bahslashishiga va uning xarakteriga tegishli bo‘lgan hamma narsani to‘g‘ri yo‘naltirishga majbur bo‘ladi.