Кинотавсия: дам олиш кунлари томоша қилиш учун энг яхши турк минисериаллари

Дам олиш кунларида ҳам турк телекўрсатувлари мухлислари кўплаб янги ижобий ҳис-туйғуларни олишга ёрдам берадиган бир нечта қизиқарли лойиҳаларни томоша қилишлари мумкин. Ҳар доим вақт етишмайдиганлар учун ҳафта охирида бемалол томоша қилиш мумкин бўлган 6 та энг яхши қисқа сериаллар билан танишинг.

«Аёз» (2020)

Фирузе қийин аҳволга тушиб қолади — севикли одами уни ташлаб кетади ва отаси ўзи бошқарган қурилиш майдончасида одамларни ўлдиришда айбланади. Энди қиз отасини фириб берган одамнинг компаниясига ишга киришга мажбур. Шундагина у отасининг айбсизлигини исботлай олади.

Вазиятни Фирузенинг Аёз билан яна учрашиши — биринчи муҳаббати мураккаблаштиради. Бу эркак аллақачон оила қурганини ва отасига қўйилган айбловларга айнан у бевосита алоқадор эканлигини билиб олади. Энди улар учун нима муҳимроқ эканини ҳал қилиш керак — муносабатларига аниқлик киритиш ёки бегуноҳ одамни қутқариш.

Қисмлар сони: 10.

Бош ролларда: Айча Айшин Туран ва Алперен Дуймаз.

«Бир онанинг гуноҳи» (2020)

Суна қизи ва икки ўғли билан одатдагидек тинч ҳаёт кечирарди. Уларнинг хотиржам яшашлари учун дўкондаги ишидан топган пули етарди. Аммо бош қаҳрамоннинг ўғли Юсуф оғир касал бўлиб қолганидан кейин ҳаммаси ўзгаради. Болани қутқариш учун аёл катта миқдорда пул топиши керак ва бунинг учун у ҳамма нарсага тайёр.

Суна ўлими учун катта пул тўланган одамни ўлдиради — вафотидан кейин унинг оиласи яхшигина суғурта пули олишлари керак эди. Аёл ўз қилмишини кечира олмайди ва йиллар давомида нима бўлганини унутишга ҳаракат қилади. Аммо ўғли ўзи ўлдирган одамнинг қиз билан учрашишни бошлаганидан кейин ҳаммаси остин-устин бўлиб кетади.

Қисмлар сони: 5.

Бош ролларда: Ўзге Озберк ва Меҳмет Аслантуғ

«Ўқитувчи» (2020)

Акиф университет дипломини олиб, мактабга ишга келади. Ҳозир у бошланғич синф раҳбари. Иши унга завқ бағишлайди ва болалар орасида ҳам, ҳамкасблари орасида ҳам тезда обрў-эътибор қозонади. Акиф севгилиси Зейнепга турмуш қуришни таклиф қилади ва унаштирилгандан кейин қиз ҳам мактабда ишлай бошлади.

Бир йил ўтгач, мактабда фожиали воқеа юз беради — энг намунали ўқувчиларидан бири ўз жонига қасд қилади. Ўқитувчи эса ҳақиқатнинг тагига етиш учун ҳамма нарсага тайёр. Кўп ўтмай, мактабда кучли портлаш бўлиб, Акиф ўзининг жажжи шогирдларини гаровга олгани маълум бўлади.

Қисмлар сони: 9.

Бош ролларда: Илкер Калели ва Акиф Афра Сарачоғлу.

«Бойлар ва камбағаллар» (2019)

Амакиваччалар Мерал ва Беррин камбағал оилаларда туғилган. Аммо қизлар ўз аҳволини яхшилаш учун тинимсиз ишлашга тайёр. Бир хил уринишларга қарамай, улардан бири истаган мақсадига эриша олади.

Мерал осонроқ йўлни афзал кўради — у ўз шаҳридаги энг нуфузли оиланинг ўғлига турмушга чиқади. Қиз энди унинг ҳаёти эртак каби бўлишига ишонади. Аммо у жуда катта хато қилади. Эри қўлларига эрк берадиган золим бўлиб чиқади. Аммо Мерал ундан кетолмайди.

Беррин қандай қилиб бўлса ҳам синглисини қутқариб, уйига олиб келишга қарор қилади. Энди қаҳрамон муваффақиятли ва мустақил аёлга айланади, у шаҳардаги энг кучли оилага қарши чиқмоқчи. Мералнинг қайтиши учун қиз ҳамма нарсага тайёр.

Қисмлар сони: 20.

Бош ролларда: Гокҳан Алкан ва Дамла Жўлбай

«Севимли ўтмиш/ҳурматли ўтмиш» (2019)

Сериалдаги воқеалар уч нафар муваффақиятли ва жуда бадавлат аёлларнинг ҳаётини кўрсатади. Улар бир-бирлари билан таниш эмас, аммо тақдирлари бироз ўхшаш.

Кунларнинг бирида уларнинг ҳар бири опа-сингил эканлиги ҳақида хат олади. Қизлар танишиш мақсадида улардан бирининг тўйига келишади. Аммо ажойиб воқеа тунда содир бўлган даҳшатли фожиа билан якунланади. Энди фақат опа-сингилларгина ҳақиқатнинг тагига етишлари мумкин.

Қисмлар сони: 8.

Бош ролларда: Эмре Кунай ва Эже Услу.

«Доғ» (2019)

Ясмин ва Мурат оилаларидаги даҳшатли фожиадан сўнг етимхонага тушиб қолишади. Улар доимо бир-бирларига ёрдам беришади ва қўллаб-қувватлашади. Қиз 18 ёшга тўлганда мустақил ҳаётини бошлайди.

Бироқ Ясмин ўзидан 9 ёш кичик укасини ташлаб кета олмайди. Муратга васийлик қилиш мақсадида қиз адвокат бўлиш учун ўқишга киради, чунки у ўз ҳуқуқларини судда ҳимоя қилишнинг ягона йўлини шу деб билади. Бу йўлда у омон қолиш учун кўп меҳнат қилиши керак. Аммо ёш ва бадавлат йигит билан тасодифан учрашиб қолиши унинг ҳаётини тубдан ўзгартиради.

Қисмлар сони: 9.

Бош ролларда: Мелис Сезен ва Бурак Севинч.