«Доктор Стренж 2» жаҳон прокатида 700 млн доллар тўплади

«Доктор Стренж: телбалик мултидунёсида» фильми жаҳон прократида 700 миллион доллардан ортиқ маблағ тўплашга муваффақ бўлди, деб хабар беради «Film.ru».

Тўпланган маблағларнинг 300 миллион доллари АҚШ, 406,4 миллион доллари эса бутун дунё ҳисобига тўғри келади. Тез орада «Стренж» ўз натижаси билан «Форсаж 9» (721 миллион доллар), «Бэтмен» (769 миллион доллар) ҳамда «Жеймс Бонд: Ўлиш вақти эмас» (774 миллион доллар) картиналарини ортда қолдириб, пандемиядан кейинги энг кассабоп фильмга айланиши мумкин. Ҳозирча пешқадамликни «Ўргимчак одам: Уйга йўл йўқ» фильми бермай келяпти.

«Телбалик мултидунёсида» картинаси Доктор Стренж ҳақидаги биринчи фильмдан анча илгарилаб кетди (677 миллион доллар) ва бир вақтнинг ўзида «Тор», «Чумоли одам» ва «Биринчи қасоскор» сиквелларини ортда қолдирди.

Маълумот учун, фильмга Сем Рейми режиссёрлик қилган («Ўргимчак одам»нинг оригинал трилогияси режиссёри). Шунингдек, лентада Сочил Гомес, Чиветел Эжиофор ва Патрик Стюарт суратга тушган. Лента бюджетининг маркетинг ҳисоби 200 миллион долларни ташкил этган.

Аввалроқ «Аватар: Сув йўли-2» фильмининг расмий трейлери намойиш этилгани тўғрисида хабар берилганди.