Наманган шаҳридаги халқаро гуллар фестивали ўтказиладиган Заҳириддин Муҳаммад Бобур номидаги маданият ва истироҳат боғи тадбир олдидан икки кунга ёпилди. Бу ҳақда «Дарё» мухбири Азизбек Абдувалиев хабар бермоқда.
Тадбир ташкилотчилари Бобур боғи жорий йил 20—21 май кунлари вақтинча ёпилишини «фестивалга тайёргарлик якуний босқичга киргани ва санитария-профилактика ишлари» билан изоҳлаган.
Халқаро гуллар фестивали 22 май куни соат 10:00 да Наманган шаҳрининг марказий кўчаларини кезадиган ва турфа гуллар билан безатиладиган 200 дан ортиқ автомобилдан иборат автокарвон билан бошланади. Шундан сўнг Бобур номли маданият ва истироҳат боғида тадбирнинг тантанали очилиш маросими бўлиб ўтади.
Изоҳ (0)