Namangan shahridagi xalqaro gullar festivali o‘tkaziladigan Zahiriddin Muhammad Bobur nomidagi madaniyat va istirohat bog‘i tadbir oldidan ikki kunga yopildi. Bu haqda “Daryo” muxbiri Azizbek Abduvaliyev xabar bermoqda.
Tadbir tashkilotchilari Bobur bog‘i joriy yil 20—21-may kunlari vaqtincha yopilishini “festivalga tayyorgarlik yakuniy bosqichga kirgani va sanitariya-profilaktika ishlari” bilan izohlagan.
Xalqaro gullar festivali 22-may kuni soat 10:00 da Namangan shahrining markaziy ko‘chalarini kezadigan va turfa gullar bilan bezatiladigan 200 dan ortiq avtomobildan iborat avtokarvon bilan boshlanadi. Shundan so‘ng Bobur nomli madaniyat va istirohat bog‘ida tadbirning tantanali ochilish marosimi bo‘lib o‘tadi.
Izoh (0)