Олтин қазиб олиш глобал бизнес бўлиб, ўнлаб мамлакатларда юзлаб тоғ-кон компаниялари қимматбаҳо металларни қазиб олишади, деб ёзмоқда Мининг.
Дунёдаги энг йирик олтин конлари қаерда?
10 та энг йирик олтин конлари Шимолий Америка, Океания, Африка ва Осиёдаги тўққиз хил давлатда жойлашган.
Улар биргаликда 2021 йилда тахминан 13 млн унция ёки жаҳон олтин қазиб олишнинг 12 фоизини ташкил қилди.
Жаҳон олтин кенгаши маълумотларига кўра, жаҳон олтин ишлаб чиқариш улуши 2021 йилдаги 3561 тонна (114,5 млн унция) ишлаб чиқаришга асосланган.
Биринчи ўринда, АҚШда жойлашган Nevada Gold Mines ҳозирда дунёдаги энг йирик олтин қазиб олиш мажмуаси бўлиб, ундаги олтита кон йилига 3,3 млн унциядан ортиқ олтин қазиб олинади.
Иккинчи ўринда, дунёдаги энг чуқур очиқ конлардан бири бўлган Ўзбекистон давлат кони Мурунтов ҳисобланади. Унда 3 млн унциядан сал озроқ олтин ишлаб чиқарилган. Давлатдаги барча олтин қазиб олишнинг 80 фоиздан ортиғи Мурунтов ҳиссасига тўғри келади.
Учинчи ўринда, дунёдаги энг йирик олтин ва мис конларидан бири Индонезияда жойлашган Грасберг кони. Унда 1 млн унциядан ортиқ олтин ишлаб чиқарилган.
Полюс, яқинда олтин заҳиралари бўйича дунёдаги энг йирик олтин қазиб олувчиси сифатида эътироф этилган бўлиб, у 104 миллион унциядан ортиқ тасдиқланган ва эҳтимолий олтинга эга.
Олтин қазиб олиш мамлакат учун қанчалик фойдали?
Олтин нархи 2016 йилдан буён қарийб 50 фоизга ошди ва бир унция учун 2000 долларни ташкил этиб, тарихдаги энг юқори кўрсаткичга айланмоқда.
Бу 2020 йилда рекорд даражадаги юқори рентабелликка эришган олтин кончилар учун яхши янгилик. 2020 йилда ишлаб чиқарилган олтиннинг ҳар бир унцияси учун кончилар ўртача 828 доллар тўплаган.
Бир неча мамлакатларда инфляция ўн йилликнинг энг юқори даражасига етган бир пайтда, олтин қазиб олиш диққатни жалб қиладиган секторга айланиши мумкин.Аввалроқ Ўзбекистон олтин захиралари бўйича дунёнинг кучли 20 талик рейтингига киргани ҳақида хабар қилинган эди.
Изоҳ (0)