Ижтимоий тармоқларда Мўйноқ шаҳарчаси атрофидаги тўқайзорда катта ёнғин чиққани тасвирланган видеолар тарқалди. Қорақалпоғистон Республикаси Экология қўмитаси ҳолатга муносабат билдирди.
Экология қўмитасининг Мўйноқ туман бўлими томонидан воқеа жойига бориб ўрганилганда ёнғин «Ушсай» ОФЙ ҳудудида жойлашган «Мўйноқ қўлтиғи»даги қамишзорларда юзага келгани аниқланган.
«Ёнғинни ўчириш имкони йўқ. Сабаби қамишзорлар бўйи сув ва ботқоқликдан иборат. Сувнинг кескин қайтиб кетиши сабабли ҳозирда қамишзор бўйидаги қамиш тублари аҳён-аҳёнда туташи давом этмоқда, шамол кучайганда эса тутун кўлами ортади», — дейилади муносабатда.
Аввалроқ Самарқанд вилоятидаги қабристонларнинг бирида ёнғин чиққани тўғрисида хабар берилганди.
Мавзуга доир:
Изоҳ (0)