Қорақалпоғистон Республикасининг Қўнғирот туманида фуқарони ишга киритиб қўймоқчи бўлган Аҳоли бандлигига кўмаклашиш маркази инспектори ёрдамчиси қўлга олинди, деб хабар беради Бош прокуратура ҳузуридаги департамент.
Маълум қилинишича, департамент ҳамда ДХХнинг Қўнғирот тумани бўлимлари томонидан ИИВ ходимлари билан ҳамкорликда тезкор тадбир ўтказилган. Тадбирда туман Аҳоли бандлигига кўмаклашиш маркази меҳнат инспектори ёрдамчиси М.К. фуқаро Ж.ни 3 минг доллар эвазига танишлари ёрдамида «Ўзбекистон темир йўллари» АЖга қарашли корхоналарнинг бирига ишга жойлаштириб беришни ваъда қилгани аниқланган. М.К фуқародан 1000 доллар олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент вилоятида тиббиёт ходимини бош шифокор ўринбосари этиб тайинлашга ёрдам бериш учун 1,3 минг доллар олган шахслар ушланганди.
Мавзуга доир:
- Оҳангаронда фуқарони металлургия комбинатига ишга киритиш учун 3 минг доллар сўраган шахслар ушланди
- Сирдарё вилояти перинатал маркази ходимаси ишга жойлаштириш эвазига пора олаётганида қўлга тушди
- Сурхондарёда 2 минг долларга чегара қўшинлари ҳарбий қисмига ишга киритиб қўймоқчи бўлган шахс ушланди
Изоҳ (0)