«Ўзгидромет» 14 май куни кутилаётган кучли ёмғирлар ёғиши сабабли республиканинг тоғолди ва тоғли ҳудудларида сел хавфидан огоҳлантирди.
Қайд этилишича, қуйидаги ҳудудларда сел келиш хавфи эълон қилинади:
- Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузар, Косон, туманларида;
- Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқорғон, Музробот туманларида;
- Самарқанд вилояти: Ургут, Самарқанд, Булунғур, Нуробод, Қўшработ, Каттагўрғон, Пояриқ, Жомбой, Иштихон туманларида;
- Навоий вилояти: Хатирчи, Навбаҳор, Нурота, Конимех, Кармана туманларида;
- Жиззах вилояти: Зомин, Бахмал, Ғаллорол, Шароф Рашидов, Фориш, Янгиобод туманларида;
- Тошкент вилояти: Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманларида ва Ангрен, Олмалиқ шаҳарларида;
- Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
- Фарғона вилояти: Сўх, Фарғона, Бешариқ туманларида;
- Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонобод шаҳрида сел-сув тошқин ҳодисалари юзага келиши мумкин.
Аввалроқ «Ўзгидромет» Ўзбекистонда салқин ва ёмғирли об-ҳаво ҳафта охирларигача сақланиб қолишини маълум қилганди. 13 майгача Ўзбекистоннинг 9 та вилояти ва тоғли ҳудудларида сел келиш хавфи эълон қилинган.
Ўзбекистоннинг бир қатор ҳудудларида кузатилган сел оқимлари
Маълумот учун, Волгабўйи ҳудудларидан нам ва нисбатан салқин ҳаво массалари кириб келиб, кучли ёғингарчилик кузатилгани сабаб Ўзбекистоннинг айрим ҳудудлари, хусусан, Жиззах, Сирдарё, Сурхондарё вилоятларида сел оқимлари ва тошқинлар юзага келди. Пойтахт кўчаларини ҳам сув босди.
Сурхондарё вилояти Сариосиё туманида 10 май куни сел оқимлари икки фуқарони оқизиб кетди. 11 май куни навбати билан тошқинда қолиб кетган фуқаролар жасади топилди (1, 2).
Изоҳ (0)