“O‘zgidromet” 14-may kuni kutilayotgan kuchli yomg‘irlar yog‘ishi sababli respublikaning tog‘oldi va tog‘li hududlarida sel xavfidan ogohlantirdi.
Qayd etilishicha, quyidagi hududlarda sel kelish xavfi e’lon qilinadi:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzar, Koson, tumanlarida;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqorg‘on, Muzrobot tumanlarida;
- Samarqand viloyati: Urgut, Samarqand, Bulung‘ur, Nurobod, Qo‘shrabot, Kattago‘rg‘on, Poyariq, Jomboy, Ishtixon tumanlarida;
- Navoiy viloyati: Xatirchi, Navbahor, Nurota, Konimex, Karmana tumanlarida;
- Jizzax viloyati: Zomin, Baxmal, G‘allorol, Sharof Rashidov, Forish, Yangiobod tumanlarida;
- Toshkent viloyati: Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq tumanlarida va Angren, Olmaliq shaharlarida;
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
- Farg‘ona viloyati: So‘x, Farg‘ona, Beshariq tumanlarida;
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlarida va Xonobod shahrida sel-suv toshqin hodisalari yuzaga kelishi mumkin.
Avvalroq “O‘zgidromet” O‘zbekistonda salqin va yomg‘irli ob-havo hafta oxirlarigacha saqlanib qolishini ma’lum qilgandi. 13-maygacha O‘zbekistonning 9 ta viloyati va tog‘li hududlarida sel kelish xavfi e’lon qilingan.
O‘zbekistonning bir qator hududlarida kuzatilgan sel oqimlari
Ma’lumot uchun, Volgabo‘yi hududlaridan nam va nisbatan salqin havo massalari kirib kelib, kuchli yog‘ingarchilik kuzatilgani sabab O‘zbekistonning ayrim hududlari, xususan, Jizzax, Sirdaryo, Surxondaryo viloyatlarida sel oqimlari va toshqinlar yuzaga keldi. Poytaxt ko‘chalarini ham suv bosdi.
Surxondaryo viloyati Sariosiyo tumanida 10-may kuni sel oqimlari ikki fuqaroni oqizib ketdi. 11-may kuni navbati bilan toshqinda qolib ketgan fuqarolar jasadi topildi (1, 2).
Izoh (0)