Шавкат Мирзиёев 6 май куни ўтказилган электротехника соҳасига доир йиғилишда қилиниши лозим навбатдаги ишларни белгилаб берди. Бу ҳақда президент матбуот котиби хабар қилди.
Қайд этилишича, 2022 йилда ишлаб чиқаришни камида 20 фоизга ошириш вазифаси қўйилган. «Ўзелтехсаноат» уюшмаси раиси янги лойиҳалар бўйича тинимсиз изланиши шартлиги кўрсатиб ўтилган.
2021 йилда Ўзбекистонда ишлаб чиқариш мумкин бўлган 1,3 миллиард долларлик электротехника маҳсулотлари импорт қилинган.
Жорий йилда 500 минг хонадон ичимлик суви билан таъминланади. Бунинг учун сув иситиш қозони ва қуёш коллекторлари, сув ҳисоблагичлари керак бўлади. Тошкент ва Наманганда ушбу маҳсулотларни ишлаб чиқариш бўйича лойиҳаларни бошлашга кўрсатма берилган. 2022 йилда 250 миллион долларлик 86 та лойиҳани ишга тушириш режалаштирилган.
«Жиззахда 1 та, Қорақалпоғистон, Қашқадарё ва Сурхондарёда 2 тадан, Бухоро, Наманган ва Хоразмда 3 тадан лойиҳани ишга тушириш бўйича режалар мени қониқтирмайди. Ҳар бир вилоят ҳокимида камида 100 миллион долларлик янги электротехника лойиҳалари бўлиши шарт», — деган президент.
Мавзуга доир:
- Ўзбекистонда электротехника, тўқимачилик ва озиқ-овқат саноатидаги 400 та корхонада халқаро сертификатлар жорий қилинади
- Шавкат Мирзиёев инвестициялар ва экспортни кўпайтириш масалаларига бағишланган видеоселектор йиғилиши ўтказди
- «Заводда ишлаб чиқариладиган маҳсулотлар жаҳондаги энг юқори экологик талаблар, норма ва стандартларга тўлиқ жавоб беради» — Шавкат Мирзиёев Uzbekistan GTL ҳақида
Изоҳ (0)