Оқ уй матбуот котиби Жен Псаки АҚШ президенти Жо Байден Украинага ташриф буюришни исташини, аммо ҳозирча бундай сафар режалари йўқлигини айтди. АҚШ маъмурияти Украинадаги вазиятни баҳолашда давом этмоқда бу хусусан, элчихонанинг соҳадаги дипломатлар билан ишини қайта тиклаш учун ҳам зарур, деди Псаки хоним.
«Мен биламан, президент Украинага ташриф буюришни хоҳлайди, аммо ҳозирда бундай режалар йўқ», — деди Оқ уй матбуот котиби.
14 апрель куни Байден журналистлар билан суҳбатда Киевга ташриф буюришга тайёрлигини айтганди. 15 апрель куни эса Жен Псаки Америка президентининг Украинага ташрифи ҳали режалаштирилмаганини маълум қилди. Кейинроқ Украина президенти Владимир Зеленский АҚШ президентининг Украинага ташрифи зарурлигини айтди. Апрель ойи охирида Жо Байден Украина пойтахтига бориш-бормаслигини билмаслиги ҳақида гапирди.
1 май куни АҚШ Конгрессининг қуйи палатаси спикери Нэнси Пелоси кутилмаган ташриф билан Киевга келди. Бунга қадар АҚШ давлат котиби Энтони Блинкен ва мудофаа вазири Ллойд Остин Украина пойтахтига ташриф буюрган эди. Зеленский билан учрашув давомида улар америкалик дипломатларни Украинага қайтаришга ва яна ҳарбий ёрдам юборишга ваъда берган. 28 апрель куни эса Киевга БМТ бош котиби Антониу Гуттериш келган. Унинг ташрифи чоғида Киев марказига ракеталардан зарба берилган.
Изоҳ (0)