Британия Мудофаа вазирлиги, Украинада содир бўлаётган воқеаларнинг кундалик сарҳисобида, уруш бошлангандан бери Россия Қуролли Кучлари кўрган йўқотишларни баҳолашга ҳаракат қилди.
Британия Мудофаа вазирлигининг ҳисоб-китобларига кўра, босқин бошида Россияда 120 дан ортиқ батальон тактик гуруҳлари мавжуд бўлган, бу унинг қуруқликдаги жанговар кучларининг тахминан 65 фоизини ташкил қилади. Май ойининг бошига келиб эса ушбу бўлинмаларнинг чорак қисмидан кўпроғи ишдан чиққан. Россия армиясининг элита бўлинмалари, жумладан, ҳаво-десант қўшинлари бошқаларга қараганда кўпроқ азият чеккан.
«Россияга бу кучларни қайта тиклаш учун йиллар керак бўлади», — дейилади ҳисоботда.
Россия Мудофаа вазирлиги Украинада икки ойдан ортиқ давом этаётган урушнинг бошидан бери Россия армиясининг йўқотишлари ҳақида атиги икки марта хабар берган. Охирги марта бундай баёнот бир ойдан кўпроқ вақт олдин, 25 март куни эълон қилинган эди. Ўшанда Мудофаа вазирлиги 1351 киши ҳалок бўлганини, 3825 киши жароҳатланганини маълум қилган.
Мавзуга доир:
- Украина Россия ҳудудидаги нишонларга ҳужум қилиш ҳуқуқига эга — Британия Мудофаа вазирлиги
- Украинадаги 20 кунлик урушда 7 мингдан ортиқ рус аскари ҳалок бўлди. Бу Американинг Ироқ ва Афғонистондаги 20 йиллик йўқотишларидан кўп — АҚШ разведкаси
- Тарих такрорланади — қудратли СССР армияси ҳақидаги афсоналарни йўққа чиқарган совет-фин уруши
Изоҳ (0)