Финляндиянинг Россия билан чегарадаги муҳим участкаларида янада самарали чегара тўсиқларини ўрнатиш режалаштирилмоқда, деб ёзади «РИА Новости».
Финляндиянинг Шимолий Карелия вилояти чегара қўшинлари қўмондони Марко Турунен Россиянинг шарқий чегарасидаги муҳим ҳудудларни ёки чегаранинг катта қисмини қамраб олиш учун тўсиқлар қуришни бошлаш тўғрисидаги қарорнинг муҳимлигини қайд этди.
«Бу биз учун кенг кўламли ўзгариш, шунинг учун у юқори даражадаги қарорни талаб қилади», — деди Турунен.
Унга кўра, чегара тўсиқлари ўта хавфли ҳудудлар ва муҳим ҳудудлар, хусусан, чегара ўтказиш пунктлари ва уларга яқин ҳудудлар учун режалаштирилган.
Финляндия Россия билан 1340 километр узунликдаги умумий чегарага эга. Ҳозирда Финляндия ва Россия чегараси фақат тиканли сим билан ажратилган.
«Мавжуд панжара чегарани кесиб ўтишнинг олдини олишда ҳеч қандай рол ўйнамайди. Унинг асосий мақсади уй ҳайвонларининг чегарадан ўтиб кетишининг олдини олишдир», — деди Жануби-Шарқий Финляндия чегара қўшинлари қўмондони ўринбосари Юкка Луккари жамоат телерадиокомпаниясига берган интервьюсида.
Финляндия ички ишлар вазири Криста Микконен ҳам Россия чегарасида янги панжара ўрнатиш режаларига изоҳ берди. Унинг таъкидлашича, мамлакат хавфсизлиги бўйича янги ҳисоботда чегара тўсиқларининг қурилиши Финляндиядаги тезкор тайёргарликларнинг бир қисми сифатида келтирилган.
Финляндия ва Швеция 2022 йилнинг ёзида НАТОга қўшилиши мумкинлиги ҳақида хабар берилганди. Июнь ойида Финляндия, ундан кейин Швеция блокка қўшилиш учун ариза топшириши кутилмоқда.
Изоҳ (0)