Фарғона вилояти Данғара туманида вояга етмаган фарзандини сотишга уринган аёл ушланди, деб хабар беради вилояти ИИБ ахборот хизмати.
Маълум қилинишича, 28 март куни туман ИИБга келиб тушган ариза бўйича тезкор тадбир ўтказилган. Тадбир давомида 2 ёшли қизини 14 минг долларга сотмоқчи бўлган аёл қўлга олинган ва тегишли тартибда ҳужжатлар расмийлаштирилган.
Ҳолат юзасидан Данғара тумани ИИБ Тергов бўлинмаси томонидан аёлга нисбатан Жиноят кодексининг 135-моддаси (одам савдоси) 3-қисми «а» банди билан жиноят иши қўзғатилиб, «қамоққа олиш» эҳтиёт чораси қўлланилган. Ҳозирда тергов ҳаракатлари давом эттирилмоқда.
Бундан олдин Тошкент вилоятида бир ёшли ўғлини 9 минг долларга сотишга уринган эр-хотинга суд ҳукми ўқилгани, Самарқандда аёл уй олиш учун 6 ёшли ўғлини 6 минг долларга сотмоқчи бўлганида қўлга олингани ҳамда Навоийда фарзандини 85 миллион сўмга сотишга уринган эр-хотин жиноят устида қўлга олингани ҳақида хабар берилганди.
Изоҳ (0)