Россиянинг Fix Price дўконлар тармоғи 2022 йилнинг биринчи чорагида Ўзбекистондаги 12 та дўконини ёпди. Бу ҳақда «Дарё»га компания молиявий ҳисоботидан маълум бўлди.
Агар 2021 йил охирида компаниянинг мамлакатда 42 та дўкони бўлган бўлса, 31 мартга келиб уларнинг сони 30 тани ташкил қилди.
Бундан ташқари, компания биринчи чоракда Ўзбекистонда бирорта ҳам янги дўкон очмаган. Таққослаш учун, Fix Price 2021 йилнинг биринчи чорагида 10 та янги дўкон очган эди.
Компания Ўзбекистондаги дўконлар сони қисқарганини изоҳламади, бироқ «Дарё»нинг маълумотига кўра, компания ҳозирда Украинадаги уруш ва Россияга қарши санкциялар билан боғлиқ вазият туфайли ўз режаларини кўриб чиқмоқда.
Аввалроқ шу сабабларга кўра Россиянинг «Доброцен» дўконлар тармоғи Ўзбекистонни тарк этган эди.
Изоҳ (0)