Ўзбекистонда 2 млн дона Humo карталари нофаол ҳолатда. Humo тўлов тизими фаолияти қандай бўлмоқда?

ЎзА Миллий банклараро процессинг маркази (Humo) директори Шуҳрат Қурбоновдан интервью олди.

Шуҳрат Қурбонов интервью давомида Humo тўлов тизимида ишлайдиган банк карталари, тўлов терминаллари ҳамда банкоматлар бўйича маълумот берди. Бундан ташқари аҳолини қизиқтирган бир қанча саволларга жавоб берилди. 

Маълум бўлишича 42 мингта тадбиркорлик субъектлари ўзларида мавжуд Humo терминалларидан икки йил давомида умуман фойдаланмаган. Humo тизимида бир кунда ўртача 1 млн фойдаланувчи транзакцияларни амалга оширади.

Жойлардаги банкоматларда нақд пул йўқлиги бу тизим ишламаяпти дегани эмас, дейди Шуҳрат Қурбонов. Унинг айтишича, Humo тўлов тизимининг алоҳида мобил иловаси ишлаб чиқиш режалаштирилмаган.

Humo тўлов тизимида банк карталари сони 9 млн донани ташкил қилади. Шунда 7 млн дона карталар фаол, қолган 2 млн таси эса нофаол ҳолатдадир. 

Ўзбекистон бўйича тўлов терминаллари сони 200 мингдан ортиқни, банк терминаллари билан қўшиб ҳисоблаганда эса 230 мингтани ташкил қилмоқда. 

Бундан ташқари, банкоматлар сони 4 620 донани ташкил этиши маълум қилинган. Бутун Ўзбекистондаги банкоматларнинг 51 фоизи Humo карталарини қабул қила олади. 

Аввалроқ Humo карталари ишлаши вақтинча тўхтатилгани ҳақида хабар берилган эди.