Франциянинг Renault автомобиль ишлаб чиқарувчиси Россияни тарк этади. Бу ҳақда чоршанба куни журналистларга Россия саноат ва савдо вазирлиги раҳбари Денис Мантуров маълум қилди.
Унинг сўзларига кўра, бунга «Renault’нинг Россиядаги ўз бўлинмаларининг самарадорлиги ёки фаолиятини сақлаб қолиш учун маблағ етишмаслиги» сабаб бўлган.
Renault «АвтоВАЗ»нинг 68% ва «Рено Россия»нинг 100% улушига эга. Ушбу акциялар Москва ҳукумати ва автомобиль илмий институтига ўтказилади.
Бу Ўзбекистонга қандай таъсир қилади?
Тўғридан-тўғри таъсир қилади. Ўзбекистондаги ADM Jizzakh заводида 2021 йилдан бери Renault автомобиллари ишлаб чиқарилади.
Бироқ бу йирик узелли йиғиш – Ўзбекистондаги автомобиллар учун асосий қисмлар «Рено Россия» заводида ишлаб чиқарилар эди. Мантуровнинг сўзларига кўра, энди «Рено Россия» заводида бошқа автомобиллар ишлаб чиқарилади.
Аввалроқ Renault Россияда ишлаб чиқаришни тўхтатгани ҳақида хабар берилган эди.
Изоҳ (0)