Ўзбекистонга россиялик ва белоруслик IT-мутахассислар кўчиб келаётгани ҳақида хабар берилган эди.
Инвестициялар ва ташқи савдо вазири ўринбосари Шуҳрат Вафоев бу оқимни ижобий баҳолади.
Унга кўра, россиялик кўплаб IT-мутахассислар Ўзбекистонга масофадан туриб ишлаш ёки қандайдир лойиҳани амалга ошириш учун келган.
«Бу мутахассислар оқими бутун ҳудуд ривожи учун жуда яхши», – деди Шуҳрат Вафоев.
Унинг сўзларига кўра, маҳаллий ва хорижий инвесторлар, айниқса, юқори технологияли лойиҳаларни амалга оширишни режалаштираётганлар учун асосий муаммолардан бири кадрлар сифати ҳисобланади. Бу оқим мазкур муаммони камайтириши мумкин.
«Саноатнинг турли тармоқларида бундай кўплаб қўшимча мутахассисларнинг бўлиши фойдали бўлади», — дейди вазир ўринбосари.
Аввалроқ EPAM IТ компанияси юзлаб ходимларини Россия ва Беларусдан Ўзбекистонга кўчиргани ҳақида хабар берилган эди.
Изоҳ (0)