Humo kartalari ishlashi vaqtincha to‘xtatildi

Humo kartalari faoliyati qayta tiklanganidan keyin yana to‘xtatildi.

Bugun, 5 aprel soat 12:30dan 13:00 gacha terminallarni Humo protsessingiga ulashda qisqa muddatli qiyinchiliklar yuzaga keldi. Soat 13:00 ga kelib bu holat bartaraf etildi va Humo kartalari bilan barcha operatsiyalar qayta tiklandi.

Biroq, soat 15:00 dan keyin kartalardan mablag‘larning ikki marotaba yechib olish va muvaffaqiyatsiz tranzaksiyalar natijasida ham ikki marotaba yechib olishlar kuzatildi.

Kelajakda bu kabi xavflar va nosozlik holatlari takrorlanmasligi uchun vaziyat sabablari to‘liq aniqlanib, bartaraf etilguniga qadar Humo o‘z terminallari va to‘lov ilovalarini vaqtincha cheklash to‘g‘risida qaror qabul qilindi.

Rasmiy xabarga ko‘ra, hozirda mobil ilovalarning ishlashi qisman tiklangan, yaqin vaqt ichida Humo’ning boshqa barcha xizmatlari to‘liq hajmda ishlay boshlaydi.