Илон Маск Twitter’ни 44 млрд долларга сотиб олади

Душанба, 25 апрель куни Илон Маск Twitter’ни 44 миллиард доллар нақд пулга сотиб олиш бўйича келишувга эришди. Бу ҳақда Bloomberg хабар бермоқда.

Апрель ойи бошида Илон Маск Twitter’нинг энг йирик акциядорига айланган эди. Кейинчалик Twitter Маскка компания бошқарувида қатнашишни таклиф қилган ва дунёдаги энг бой одам бу таклифни рад қилган эди. 

Сўз эркинлиги — демократия шаклланишининг асоси, Twitter эса рақамли шаҳар майдони, бу ерда инсоният келажак ҳаёти учун муҳим масалалар муҳокама қилинади. Мен Twitter’ни аввал ҳечқачон бўлмаган энг зўр даражага олиб чиқмоқчиман. Twitter катта потенциалга эга, унинг янги қирраларни очиш, фойдаланувчилар ҳамда компания билан ҳамкорлигимиз бошлашни интиқ бўлиб кутяпман, — деган Маск.

Апрель ойи ўрталарида Twitter Маскни акциялар билан боғлиқ фирибгарликда айблаб судга берган эди. Маск эса Twitter’ни сотиб олиш учун 43 млрд доллар нақд пул таклиф қилган эди. 

21 апрель куни эса Илон Маск Twitter’ни сотиб олиш ҳаракатлари доирасида АҚШда 3 та холдинг компаниясини рўйхатдан ўтказган эди. 

Назарий жиҳатдан, ушбу компаниялардан бирида Маскнинг улуши бўлган барча компаниялар, жумладан, Tesla, SpaceX ва бошқалар келажакда бирлаштирилиши мумкин.

Янгиликдан сўнг Twitter акциялари тахминан 6 фоизга ўсди.