Австрия Россия Украинада ҳарбий операция бошланганидан кейин ушбу мамлакатдан нефть солиб олишни тўхтатди. Бу ҳақда ОМV Group вакилларига таяниб, Kurier газетаси хабар берди.
«Россиядан нефть харид қилиш ҳажми доим кам бўлган, уруш бошлангач, биз уни бозордаги бошқа нефтга алмаштирдик», — дейди Австрия компанияси вакиллари.
Мамлакат Статистика бошқармаси ва Нефть саноати ассоциацияси маълумотларига кўра, Австриянинг 2021 йилдаги импортини 7,8 фоизи ёки 596 минг тоннасигина Россия ҳисобига тўғри келган.
Таъкидланишича, Қозоғистон «узоқ йиллардан бери» Австрияга асосий нефть етказиб берувчи ҳисобланади — бутун импортнинг 38,9 фоизи унга тўғри келади. Иккинчи ўринда Ливия (22,1 фоиз) бўлса, учинчи ўринда Ироқ (20,7 фоиз) жойлашган.
Аввалроқ Литва Европа Иттифоқи мамлакатлари орасида биринчи бўлиб Россия газидан тўлиқ воз кечганди. Бир неча кун олдин эса Австрия канцлери Карл Нехаммер Россия газидан воз кечиши учун йиллар кераклигини маълум қилган эди. Унинг сўзларига кўра, ҳозирда Россия Австрияни 80 фоиз газ билан таъминлайди.
Изоҳ (0)