«Инқироз ҳали узоқ давом этади» — EY таҳлилчилари Россия компанияларига бошқа мамлакатларга кетишни тавсия қилди

EY таҳлилчилари Россия компанияларига бошқа мамлакатларга кетишни тавсия қилди.

Экспертларнинг фикрича, Бирлашган Араб Амирликлари, Гонконг ва Шанхай савдо ва холдинг тузилмалари учун энг мос ҳудуд ҳисобланади.

Россияга қарши санкциялар билан боғлиқ инқироз узоқ муддат амалда бўлади. Шунинг учун корхоналар янги шароитда ишни тез фурсатда тиклаш учун тузилмаларни, логистика ва ишлаб чиқаришни фаол равишда қайта қуришни бошлашлари керак, — деб маслаҳат берди EY консалтинг компанияси мутахассислари.

Ушбу мамлакатда рўйхатдан ўтган тузилмалардан фойдаланиш активлар ва ҳисобларнинг блокланишига, кемаларни ижарага олиш ва транспорт суғуртаси билан боғлиқ муаммоларга олиб келиши мумкин. Бизнес учун яна бир муаммо — бу хорижий этказиб берувчиларнинг Россияга товарларни жўнатишдан бош тортишидир.

Шу сабабли EY бизнесни кўчириш учун бир нечта вариантни тавсия қилди. Мутахассисларнинг қайд этишича, БААда (асосан Дубайда), шунингдек, Гонконг ва Шанхайда савдо қилиш учун яхши инфратузилма мавжуд.

Аввалроқ Канада Путиннинг икки қизи, Лавровнинг оиласи ва россиялик бизнесменларга қарши санкциялар қўллагани ҳақида хабар берилган эди.