Украинадаги уруш туфайли Россияга жорий қилинган санкциялар бу давлатга ёки бу давлатдан пул жўнатиш йўллари сони сезиларли даражада қисқарди. «Дарё» ҳозирда актуал усулларни санаб ўтди.
1. Пул ўтказмалари тизимлари
Санкциялар туфайли WesternUnion, MoneyGram, Wise, ОФХ, PayPal, TransferGo Россиядаги фаолиятини тўхтатди. Бироқ учта Россия хизматлари ишламоқда:
- «Золотая Корона»;
- Unistream;
- Contact.
2. «Мир» карталари
2020 йили Uzcard ва «Мир» карталари ўртасида ўтказмалар йўлга қўйилганди. Бундан ташқари, Ўзбекистон банклари Uzcard-«Мир» картларини ҳам чиқармоқда. Карталар бир неча мамлакатларда қабул қилинади (масалан, Туркия), улардан халқаро ўтказмалар учун ҳам фойдаланиш мумкин.
3. Банк ўтказмалари
Ҳисоб маълумотларидан фойдаланган ҳолда SWIFT ўтказмалари ёрдамида пул ўтказиш мумкин.«Тинкофф»,«Росбанк»,«Газпромбан»,«Раиффеисенбанк»нинг қўллаб-қувватлаш хизматлари SWIFT орқали пул жўнатиш имкониятини тасдиқлади.
Блоклаш санкциялари остида қолган банкларда SWIFT ўтказмалари ишламайди — булар «ВТБ», Sovcombank, «Новикомбанк», «Промсвязбанк», «Откритие», «Россия», «Алфа-Банк» ва «Сбербанк».
Аввалроқ 2022 йил бошидан Ўзбекистонга пул ўтказмалари 3 фоизга ошгани ҳақида хабар берилган эди.
Изоҳ (0)