Ижтимоий тармоқларда ҳукумат номидан турли тўловлар ва бир марталик нафақалар ажратилгани ҳақидаги ёлғон маълумотлар тарқалмоқда. Молия вазирлиги ҳолатга расмий муносабат билдирди.
Маълум қилинишича, Молия вазирлигининг барча расмий каналлари расмий текширилганлик белгисига (верификациядан ўтганини билдирувчи кўк белги) эга.
«Ҳурматли ижтимоий тармоқлардаги канал ва гуруҳ админлари, Молия вазирлиги ахборот хизмати номидан чиқаётган сохта шахсларга эътиборли бўлишингизни сўраймиз», — дейилади муносабатда.
Шунингдек, вазирлик барча қўшимча саволларга @MoliyaPress Telegram манзили ҳамда (71) 239-15-70 рақамлари орқали аниқлик киритиш мумкинлигини эслатиб ўтган.
Аввалроқ Тошкентда Ўзбекистон президенти ва ССВ номидан фейк хабарларни тарқатган 22 ёшли йигит қўлга олингани тўғрисида хабар берилганди. Telegram тармоғидаги бир қатор гуруҳ ва каналларда Соғлиқни сақлаш вазирлиги номидан COVID-19 га қарши вакцинациядан ўтган фуқаролар бир маротабалик 750 минг сўм пул маблағларини беришга оид фейк хабар тарқатилиб, ушбу хабар остига бириктирилган ҳаволага кирилганида 750 минг сўмни олиш илинжида бўлган фойдаланувчилардан банк пластик карта реквизитлари ҳамда SMS хабарномада кўрсатилган махфий код-рақам сўралаётгани маълум бўлганди.
Изоҳ (0)